قازاقستاندىق ناگيمجان باحار قىتايدىڭ ۋحۋ قالاسىندا وتكەن OMODA C5 اۆتوكولىگىنىڭ ديزاينى بويىنشا حالىقارالىق كونكۋرستا جەڭىمپاز اتاندى، دەپ حابارلايدى «ادىرنا» ۇلتتىق پورتالى.
ول قازاقستاندا وتكەن جەرگىلىكتى كونكۋرستا جەڭىسكە جەتىپ، وسى شاراعا قاتىسۋ مۇمكىندىگىن العان. كرەاتيۆتى ديزاينى ءۇشىن ناگيمجان 2500 دوللار جانە يننوۆاتسيانىڭ سيمۆولى رەتىندە درون سىيلىعىن يەلەندى.
سامميتكە قازاقستاننان OMODA&JAECOO كومپانياسىنىڭ قولداۋىمەن ءتورت قاتىسۋشى باردى. ولاردىڭ ءبىرى الماتىدا OMODA يەلەرىنىڭ قاۋىمداستىعىن قۇرعان - ەكاتەرينا. ول Event Master ماراپاتىن يەلەندى. اتىراۋ وبلىسىنان بارعان تاۋەلسىز جۋرناليست ايانا گابدۋللينا سامميتتە OMODA C7 مودەلىن سىناقتان وتكىزىپ، ونىڭ تەحنولوگيالىق مۇمكىندىكتەرىن جوعارى باعالادى.
سامميتتە قاتىسۋشىلار جاڭا ترەندتەردى تالقىلاپ، OMODA C7, JAECOO J8 سياقتى جاڭا مودەلدەرمەن تانىستى. قازاقستاندا رەسمي ديلەرى Aster بولىپ تابىلاتىن OMODA&JAECOO برەندتەرى 16 قالادا ۇسىنىلىپ، 5 جىلدىق كەپىلدىك جانە سەرۆيستىك قىزمەت كورسەتەدى.
