الماتى قالاسىندا 150-دەن استام كولىكتى زاڭسىز تىركەگەن قىلمىستىق توپ سحەماسى انىقتالدى، دەپ حابارلايدى «ادىرنا» ءتىلشىسى.
ىشكى ىستەر مينيسترلىگىنىڭ مالىمەتىنشە، مەملەكەتكە زاڭسىز ارەكەت ناتيجەسىندە كەلتىرىلگەن زالال كولەمى شامامەن 320 ملن تەڭگەنى قۇرايدى.
توپ كولىك قۇرالىنىڭ بىرەگەي كودىن وزگەرتۋ جانە قۇجاتتاردى قولدان جاساۋ ارقىلى اۆتوكولىكتەردى تىركەۋمەن اينالىسقان.
– قىلمىستىق ءىس-ارەكەتكە ارنايى حالىققا قىزمەت كورسەتۋ ورتالىعى قىزمەتكەرلەرىنىڭ جانە دەلدالداردىڭ قاتىسى انىقتالدى. ءبىر دروپپەرگە 50 اۆتوكولىككە دەيىن تىركەلگەن. 17 كۇدىكتى ۇستالدى. زاتتاي دالەلدەمەلەر تاركىلەندى. اەق قاۋىپسىزدىك قىزمەتىمەن بىرلەسىپ تەكسەرۋ جالعاسۋدا، – دەدى ءىىم ۇيىمداسقان قىلمىسقا قارسى كۇرەس دەپارتامەنتى وكىلى قۋاندىق الپىس.