پرەزيدەنت اكىمشىلىگىنىڭ جانە اۋداندىق ءماسليحات دەپۋتاتتارىنىڭ كەلىسىمى بويىنشا ەرلان قۇسايىن قاراعاندى وبلىسىنداعى بۇقار جىراۋ اۋدانىنىڭ اكىمى بولىپ تاعايىندالدى، دەپ حابارلايدى «ادىرنا» ءتىلشىسى.
بۇعان دەيىن ول قاراعاندى وبلىسى اكىمىنىڭ ورىنباسارى قىزمەتىن اتقارعان بولاتىن.
ەرلان قۇسايىن الەۋمەتتىك جەلىدەگى پاراقشاسىندا اۋدان تۇرعىندارىنىڭ بىرقاتار وزەكتى ماسەلەسىمەن تانىس ەكەنىن جەتكىزدى.
«وبلىس اكىمى ەرماعانبەت بولەكپاەۆ الەۋمەتتىك-ەكونوميكالىق كورسەتكىشتەردى ارتتىرۋ بوي̆ىنشا بىرقاتار مىندەتتەر قوي̆دى. مەن اۋدان تۇرعىندارىنىڭ بىرقاتار وزەكتى ماسەلەلەرىمەن تانىسپىن. وكىلەتتى ورگاندارمەن بىرلەسىپ شەشۋگە جانە حالىقتىڭ ءال-اۋقاتىن جاقسارتۋعا بار كۇشىمدى سالامىن. ەڭ الدىمەن، ماعان سىزدەردىڭ قولداۋلارىڭىز قاجەت. مەن سىزدەردىڭ ۇسىنىستارىڭىزعا جانە كەرى باي̆لانىستارىڭىزعا ءاردايىم اشىقپىن»،—دەدى ول.
«ادىرنا» ۇلتتىق پورتالى ەرلان قۇسايىندى جاڭا قىزمەتىمەن قۇتتىقتاپ، جۇمىسىنا ساتتىلىك تىلەيدى.
