پرەزيدەنت قاسىم-جومارت توقاەۆتىڭ جارلىعىمەن ۇلتتىق قاۋىپسىزدىك كوميتەتىنىڭ توراعاسى ەرمەك ساعىمباەۆتىڭ ەكى ورىنباسارى تاعايىندالدى. بۇل تۋرالى بۇگىن، 23 قىركۇيەكتە اقوردانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«مەملەكەت باسشىسىنىڭ وكىمىمەن مارات قابيدەنۇلى جۇماباەۆ قازاقستان رەسپۋبليكاسى ۇلتتىق قاۋىپسىزدىك كوميتەتى توراعاسىنىڭ ورىنباسارى – سىرتقى بارلاۋ قىزمەتىنىڭ ديرەكتورى لاۋازىمىنا تاعايىندالدى. مەملەكەت باسشىسىنىڭ وكىمىمەن الماس تىلەپبەرگەنۇلى نايمانتاەۆ قازاقستان رەسپۋبليكاسى ۇلتتىق قاۋىپسىزدىك كوميتەتى توراعاسىنىڭ ورىنباسارى لاۋازىمىنا تاعايىندالدى»،—دەلىنگەن حابارلامادا.
ەسكە سالايىق، 16 قىركۇيەكتە قاسىم-جومارت توقاەۆ ۇقك توراعاسىنىڭ ورىنباسارلارى رۋسلان سەيسەمباەۆ پەن اسقار ءامىرحانوۆتى جۇمىستان بوساتقان ەدى.
