19 قىركۇيەكتە ءداستۇرلى Kazakhstan Growth Forum -دا جىلدىڭ ۇزدىك مەنەدجەرلەرىنىڭ ەسىمدەرى جاريالاندى.
Kaspi.kz باسشىسى جانە نەگىزىن قالاۋشىلاردىڭ ءبىرى ميحايل لومتادزە التىنشى رەت «جىلدىڭ ۇزدىك CEO-سى» اتاندى.
«قازىلار القاسىنا جوعارى باعا بەرگەنى ءۇشىن العىس ايتامىز. بۇل بۇكىل ۇجىمنىڭ جانكەشتى ەڭبەگىنىڭ ناتيجەسى. ءبىز زاماناۋي قىزمەتتەرمەن ادامداردىڭ ءومىرىن جاقسارتۋعا ۇمتىلامىز جانە قازاقستاندا تۇرىپ، جۇمىس ىستەپ جاتقانىمىزدى ماقتان تۇتامىز. ءبىز قازاقستاندىقتاردى ارى قاراي دا جاڭا زاماناۋي تسيفرلىق قىزمەتتەرمەن تاڭ قالدىرۋعا جانە قۋانتۋعا تىرىسامىز. سۇيىكتى كليەنتتەرىمىز بەن سەرىكتەستەرىمىزگە سەنىمدەرى مەن قولداۋلارى ءۇشىن، ال مەملەكەتتىك ورگاندارعا ەلدىڭ تسيفرلىق دامۋى ءۇشىن قولايلى جاعداي جاساعانى ءۇشىن العىس ايتامىز».
جىل سايىن ۇزدىك جەتەكشىلەردى Kazakhstan Growth Forum-نىڭ ساراپتامالىق كەڭەسى انىقتايدى. ونىڭ قۇرامىنا: ەلدار ابدىرازاقوۆ، (Kazakhstan Growth Forum), مارجان مەلانيچ (Kazakhstan Growth Forum), ساكەن جۇماشەۆ (KPMG), ەلەنا باحمۋتوۆا (قازاقستان قارجىگەرلەرى قاۋىمداستىعىنىڭ كەڭەسى), ەرلان دوسىمبەكوۆ (EY), ەكاتەرينا بەندجامين (IFC), دانا ىڭكاربەكوۆا (PwC), دينا ۋستاەۆا (Qazaq تاۋەلسىز ديرەكتورلارى), دۋلاتبەك ىقباەۆ (McKinsey&Company), وراز جاندوسوۆ (RAKURS), ەرجان دوسىمبەكوۆ (گرانت تورنتون), الينا الدامبەرگەن (KASE), اندرەي بەكلەميشەۆ (IDC) كىرەدى.
جەڭىمپازدار جىل سايىن ەكونوميكانىڭ ءتۇرلى سالالارىندا ۇسىنىلعان 500 ۇزدىك قازاقستاندىق كومپانيانىڭ اراسىنان تاڭدالادى.
