«الماتى يندۋستريالدى ايماعى» جشس («الماتى» اكك» اق ەنشىلەس ۇيىمى) رەزيدەنتتەرى 1,913 ملرد تەڭگەگە ءونىم ءوندىردى، ونىڭ ىشىندە 2023 جىلى 801,3 ملرد تەڭگەسى.
«الماتى يندۋستريالدى ايماعى» (ايا) – ءىرى ونەركاسىپتىك جانە وندىرىستىك بيزنەس-جوبالارعا ارنالعان اۋماق 2015 جىلى جەكە كاسىپكەرلىككە مەملەكەتتىك قولداۋ كورسەتۋ جانە الماتىدا ونەركاسىپتىڭ باسىم سالالارىن دامىتۋ ءۇشىن قۇرىلعان. قوسىلعان قۇنى جوعارى جانە ەكسپورتتىق الەۋەتى بار تەحنولوگيالىق، يننوۆاتسيالىق ونىمدەردى شىعارۋعا، سونداي-اق جاڭا ساپالى جۇمىس ورىندارىن قۇرۋعا باعىتتالعان ينۆەستيتسيالىق جوبالارعا ارتىقشىلىق بەرىلەدى.
قازىرگى ۋاقىتتا ايا قاتىسۋشىلارى ماشينا جاساۋ، ءوندىرىس، قۇرىلىس، لوگيستيكا، تاماق، حيميا جانە اگرارلىق ونەركاسىپ جانە ت.ب. سالالاردان 102 كومپانيا بولىپ تابىلادى. ايا رەزيدەنتتەرى ينۆەستيتسيالارىنىڭ جالپى كولەمى 14 246 جۇمىس ورنىن قۇرۋمەن 556,2 ملرد تەڭگەنى قۇرايدى. 2015 جىلدان باستاپ ايا قاتىسۋشىلارى 53,7 ملرد تەڭگە سوماسىنا سالىق تولەدى.
ايا اۋدانى 490 گا قۇرايدى، ونىڭ ىشىندە جوبالارعا 326 گا، ينفراقۇرىلىمعا – 164 گا بولىنگەن.
شاعىن جانە ورتا كاسىپكەرلىكتى دامىتۋ ماقساتىندا «الماتى بيزنەس - 2025» باعدارلاماسى شەڭبەرىندە ايا-دا شاعىن ونەركاسىپ پاركتەرىن دامىتۋ باعدارلاماسى ىسكە اسىرىلۋدا، وندا كاسىپكەرلەر دايىن وندىرىستىك ءۇي-جايلاردى جەڭىلدەتىلگەن شارتتارمەن جالعا الا الادى (كەيىننەن ساتىپ الۋ مۇمكىندىگىمەن) - م² ءۇشىن 1350 تەڭگە. كەيىنگى ساتىپ الۋ قۇنى - م² ءۇشىن 180 000 تەڭگە.
ونەركاسىپ پاركتەرىن سالۋ ءۇشىن «الماتى» اكك، Almaty Finance جانە الماتى مقۇ ەنشىلەس كومپانيالارى ارقىلى 7 جىلعا دەيىنگى جىلدىق 6% مولشەرلەمە بويىنشا جەڭىلدىكتى كرەديتتەر بەرىلەدى. ونەركاسىپ پاركتەرىنىڭ رەزيدەنتتەرى ءوز بيزنەسىن دامىتۋ جانە اينالىم قاراجاتىن تولىقتىرۋ ءۇشىن جىلدىق 2% مولشەرلەمە بويىنشا 70 ملن تەڭگەگە دەيىن نەسيە الا الادى.
قازىرگى ۋاقىتتا الماتىدا جالپى اۋدانى 46 مىڭ م² بولاتىن 11 ونەركاسىپ پاركى (قالا اۋماعىندا 5, ايا اۋماعىندا 6) ىسكە قوسىلدى. ونەركاسىپ پاركتەرىندە 76 رەزيدەنت ورنالاستىرىلىپ، 1074 جۇمىس ورنى قۇرىلدى -تولتىرۋ 100% قۇرايدى. جالپى اۋدانى 100 مىڭ م² اساتىن تاعى 26 ونەركاسىپ پاركىن ىسكە قوسۋ جوسپارلانۋدا. ونىڭ 5-ءى 2024 جىلى، 21-ءى 2025 جىلى، بۇل قوسىمشا 3 400-دەن استام جۇمىس ورنىن قۇرۋعا مۇمكىندىك بەرەدى.
«ايا-نى دامىتۋعا سالىنعان 1 بيۋدجەتتىك تەڭگەگە جەكە ينۆەستورلاردىڭ 5,5 تەڭگەسى تيەسىلى. بۇل رەتتە بيۋدجەتتىك ينۆەستيتسيالار تولەنگەن سالىقتار ەسەبىنەن تولىق كولەمدە قايتارىلدى.
بيزنەستىڭ ۇلكەن سۇرانىسىنا بايلانىستى ايا-نىڭ پايدالى الاڭى 95%-عا يگەرىلدى جانە الەۋەتتى ينۆەستورلاردىڭ بولۋىن ەسكەرە وتىرىپ، قالا اكىمدىگى اۋماقتى 194 گەكتارعا (ايا كەڭەيتۋدىڭ ەكىنشى كەزەڭى) كەڭەيتۋ بويىنشا جۇمىس جۇرگىزدى.
قازىرگى ۋاقىتتا ايا كەڭەيتۋدىڭ ەكىنشى كەزەڭىنىڭ ينجەنەرلىك-كولىك ينفراقۇرىلىمىن سالۋعا تەحنيكالىق-ەكونوميكالىق نەگىزدەمە جانە جوبالاۋ قۇجاتتاماسى ازىرلەندى. مەملەكەتتىك ساراپتامانىڭ جوبالىق قۇجاتتاماسىنان وتكەننەن كەيىن 2024-2026 جىلدارى قۇرىلىس-مونتاجداۋ جۇمىستارىن جۇرگىزۋ ءۇشىن قارجىلاندىرۋ ماسەلەسى شەشىلەتىن بولادى. ايا-نىڭ كەڭەيتىلەتىن اۋماعىندا ءىرى ينۆەستيتسيالىق جوبالاردى ىسكە اسىرۋ 235 ملرد تەڭگەدەن استام ينۆەستيتسيا تارتۋعا، قالا ەكونوميكاسىنا جالپى مۋلتيپليكاتيۆتىك اسەر كورسەتۋگە جانە قوسىمشا 9 مىڭنان استام جۇمىس ورنىن قۇرۋعا مۇمكىندىك بەرەدى، - دەپ اتاپ ءوتتى «الماتى يندۋستريالدى ايماعى» جشس باس ديرەكتورى
الىشەر ساتىبالديەۆ.
