وقۋ جىلىنىڭ اياقتالۋىنىڭ قارساڭىندا عاني بەيسەمباەۆ «التىن بەلگىگە» ۇمىتكەرلەرمەن كەزدەستءتى. ءۇزدىك وقۋ ۇلگەرىمىمەن ەرەكشەلەنگەن جەتى مىڭنان استام مەكتەپبىتىرۋشىگە مينيستر ءوزىنىڭ اقىل-كەڭەسىن ايتىپ, باعىت-باعدار بەردى.
عاني بەيسەمباەۆ مەكتەپتە العان ءبىلىمنىڭ بولاشاقتا كاسىبي تابىسقا جەتۋدىڭ مىقتى ىرگەتاسىنا اينالارىنا سەنىمدىلىك ءبىلدىردى.
– ءبىلءىم – بۇل كەز كەلگەن تابىستىڭ ىرگەتاسى. سەندەردىڭ بيىك ماقساتتارعا جەتۋگە دەگەنتالاپتارىڭ مەن تاباندىلىقتارىڭ قۋانتادى. مەكتەپ قابىرعاسىندا بەلسەندى بولىپ, وزدەرىڭىزدەن كەيىنگى وقۋشىلارعا ۇلگى بولا بىلگەندەرىڭىز ءۇشىن العىسىمدى بىلدىرەمىن. بيىلعى جىلى 186 مىڭ مەكتەپ ءبىتىرۋشى ومىرلەرىندەگى جاۋاپتى ساتكە قادام باسقالى وتىر. ءارقايسىلارىڭىز الداعى ەمتيحاندىءساتتى تاپسىرىپ, ءوز ماقساتتارىڭىزعا قول جەتكىزەسىزدەر دەپ سەنەمىن. سىزدەرگە ءبىلىم جولىنداۇنەمى ىزدەنىس پەن تالپىنىس, تابىس پەن ءساتتىلىك تىلەيمىن, – دەدى عاني بەيسەمباەۆ.
ءار ءوڭىردەن قوسىلعان وقۋشىلار پىكىرلەرىمەن ءبولىستى. جەتىستىككە جەتۋ، وتانىمىزدىڭ وركەندەۋىنە ۇلەس قوسار مامان بولۋعا ىنتالى ەكەندىكتەرىن جەتكىزدى. ءبىزدىڭ وڭىردەن جالپى ءبىلىم بەرەتىن پاندەر بويىنشا رەسپۋبليكالىق وليمپيادانىڭ جۇلدەگەرى, ورال قالاسىنداعىا.تايمانوۆ اتىنداعى №34 مەكتەپ-گيمنازياسىنىڭ 11 سىنىپ وقۋشىسى راحات ينابات ءوز ويىن ورتاعا سالدى.
– قىزىل ءتىلىن سەمسەر قىلىپ، رۋحىن بايراققا بايلاعان قازاقتىڭ بۇگىنگى وسكىنىنىڭ وكىلى رەتىندە ءوزىمدى وسى توپتا كورگەنىمدى مارتەبە سانايمىن. «الىپ بولۋ ءۇشىن الاقانداي باق تا جەتىپ جاتىر، باستىسى رۋحتىڭ بيىك بولۋى» دەپ الاشتى ۇرانداتقان ءاليحان اتامىز ايتپاقشى، ءبىز ءۇشىن، بولاشاق ءۇشىن باستىسى ءبىلىم مەن تۇعىرلى بيىكتەرگە ارنالعان تالپىنىس قانا. الدىمەن اتا-انانىڭ، كەيىن قوعامنىڭ ىقپالىندا داميتىن ۇرپاقتىڭ بۇگىنگى ماقساتى دا وتانعا قىزمەت قىلۋ بولماق. مەن دە سول توڭىرەكتە الەم ادەبيەتىنە ۇلەس قوسۋدى قالايمىن. بولاشاقتا لينگۆيستيكا ماماندىعىن مەڭگەرىپ, دۇنيەجۇزىلىك ۇيىمدار اراسىندا قازاقستان كوشباسشىسى بولۋدى ارماندايمىن. قازىرگى تالپىنىستارىم تۇگەل دەرلىك ارماندارىما باعىتتالعاندىقتان، سۇيىكتى ءىستى جارقىن بولاشاققا اينالدىرۋدا كەدەرگىنىڭ كوپ بولماسىنا سەنەمىن. ەگەر كىشكەنە تۇلعا تاربيە مەن ءبىلىمدى، ماحابباتتى قاتار الىپ وسسە، ونىڭ شاكىرتتىك ساناسىندا قالىپتاسقان سەزىم – ەرتەڭگى ەل بولاشاعىنا دەگەن سەنىمگە اينالارى ءشۇباسىز. سوندىقتان جينالعان قاۋىم تەك مەكتەپ ماقتان تۇتار ەمەس، كۇللى قازاقستاننىڭ كوك بايراعىن جوعارى ارەنالاردا كوتەرەتىن كەلەشەكتىڭ تۇلعالارى رەتىندە تانيىق، – دەگەن دارىندى قىزدىڭ جۇرەك تۇكپىرىنەن شىققان جالىندى سوزدەر قاتارلاستارىنا وي سالدى.
كەزدەسۋ كەزىندە تۇلەكتەردىڭ ارقايسىسى وزدەرىنىڭ جەتىستىكتەرى تۋرالى ايتىپ، بولاشاقجوسپارلارىمەن ءبولىستى، مينيسترگە سۇراقتارىن قويدى، پىكىر الماستى. كەزدەسۋگە قاتىسۋشىلار ساپالى ءبىلىم الۋ مۇمكىندىگىن بەرىپ, قولداۋ تانىتقان ەلىمىزدىڭ ۇكىمەتىنە العىستارىن ءبىلدىردى.
ايتا كەتۋ كەرەك، بيىلعى ەلىمىز بويىنشا «التىن بەلگىگە» 7000-نان استام ءبىلىم الۋشى ۇمىتكەر بولسا، سونىڭ 233-ءى ءبىزدىڭ وڭىرىمىزدەن.
بيىل ورال قالاسى بويىنشا 2480 وقۋشى ورتا مەكتەپتى اياقتاسا، ونىڭ 40-ى «التىن بەلگىگە» ۇمىتكەر.
