پرەزيدەنت قاسىم-جومارت توقاەۆتىڭ ەل پارلامەنتى پالاتالارىنىڭ بىرلەسكەن وتىرىسىندا سويلەگەن ءسوزى، قازاقستان حالقىنا جولداۋىنىڭ ءماتىنى - قازاقستاننىڭ كەلەشەكتەگى ماقسات-مىندەتتەرىن ايقىندايتىن ماڭىزدى ءارى ساياسي قۇجات ەكەنى ءسوزسىز.
مەن ەلدە بولىپ جاتقان پروتسەستەردى كوپتەن بەرى تالداپ كەلەمىن، سوڭعى جىلدارى بىرنەشە رەت استاناعا جولىم ءتۇستى. 2019 جىلعى پرەزيدەنتتىك سايلاۋدا حالىقارالىق باقىلاۋشى رەتىندە جۇمىس ىستەدىم، سوندىقتان دەموكراتيالاندىرۋدى دامىتۋ جانە كەڭەيتۋ بويىنشا ەلىمىزدىڭ (قازاقستاننىڭ) ءاربىر جاڭا قادامىن دامۋ، جاڭا قوعام قۇرۋعا تالپىنىس، ازاماتتاردىڭ ءتۇرلى قاجەتتىلىكتەرىن قاناعاتتاندىرۋ جولىنداعى ىلگەرىلەۋ دەپ سانايمىن. ارينە، ەلدىڭ ءار تۇرعىنى مۇددەسىنە اسەر ەتەتىن باستى نارسە - ەلدىڭ ساياسي ترانسفورماتسياسى. اتالمىش پروتسەستەرى قالاي ءجۇرىپ جاتىر، وعان كوپتەگەن ادامدار اتسالىسۋى قاجەت. قازاقستاننىڭ جاڭا كەزەڭى وتكەن جىلدىڭ قاڭتار ايىنان بەرى دامىپ كەلە جاتقان ازاماتتىق قوعام قالاعان وزگەرىستەردەن باستالدى.
بۇگىندە مۇنداي قاجام ازاماتتاردىڭ بەلسەندى قاتىسۋىمەن جۇزەگە اسىرىلىپ، قايتىمسىز سيپات الدى دەپ ايتۋعا بولادى. پرەزيدەنت توقاەۆتىڭ سوزدەرىمەن تولىق كەلىسەمىن. جاڭا باستامالارعا ساي بيلىك تارماقتارى اراسىندا وڭتايلى تەپە-تەڭدىك قالىپتاسادى، وندا ساياسي نەگىز- پرەزيدەنتتىك رەسپۋبليكانىڭ مىقتى پارلامەنتى بار مودەل ايقىندالعان. بۇل فورمۋلادا بيلىكتىڭ اتقارۋشى جانە زاڭ شىعارۋشى تارماقتارى بارشانىڭ جانە ءاربىر قازاقستاندىقتىڭ مۇقتاجدىقتارى مەن تىلەكتەرىن ەسكەرىپ، ولاردىڭ قىزمەتىن "حالىق ۇنىنە قۇلاق اساتىن مەملەكەت" قاعيداتى مازمۇنىمەن جۇيەلەۋ ماڭىزدى. وسىلايشا، ازاماتتاردىڭ مەملەكەتتىك شەشىمدەر قابىلداۋعا قاتىسۋى، تولىققاندى ساياسي مادەنيەتتىڭ ءوسۋى مەن جان-جاقتى قالىپتاسۋى داميدى. توقاەۆ ءوز جولداۋىندا اتاپ وتكەندەي، مۇنىڭ بارلىعى قازىردىڭ وزىندە ساپالى جاڭا دەڭگەيگە كوتەرىلدى.
جولداۋدا ساياسي رەفورمالاردان تابيعي تۇردە تۋىندايتىن جوسپارلانعان جانە جۇزەگە اسىرىلاتىن الەۋمەتتىك-ەكونوميكالىق وزگەرىستەرگە كوپ كوڭىل بولىنەدى. بۇل، ءسوزسىز، الەۋمەتتىك اسپەكت ەكەنىن اتاپ ءوتۋ ماڭىزدى. جولداۋدا قازىرگى ەكونوميكالىق مودەلدىڭ كوزبوياۋشى جەتىستىكتەرگە ەمەس، ازاماتتاردىڭ ءومىرىن ناقتى جاقسارتۋعا نەگىزدەلگەنى. ايتىلعان. جولداۋدى وقي وتىرىپ، ەلدىڭ ەكونوميكالىق دامۋى جونىندەگى بارلىق جوسپارلار تەرەڭ پىسىقتالعانىنا، ەگجەي-تەگجەيلى ەسەپتەۋلەرمەن ناقتىلانعانىنا، دالەلدەنگەنىنە جانە ناقتى ماقسات - ەلدىڭ وركەندەۋى مەن حالىقتىڭ ءال-اۋقاتىن ارتتىرۋعا باعىتتالعانىنا كوز جەتكىزەسىز.
بۇل ساندار بويىنشا جىل سايىنعى ەكونوميكالىق ءوسىم 6-7 پايىزدى قۇرايدى، بۇل 2020 جىلداردىڭ سوڭىنا قاراي ۇلتتىق ەكونوميكا كولەمىن 450 ميلليارد دوللارعا كوتەرىپ، ەكى ەسەگە ارتتىرۋعا مۇمكىندىك بەرەدى. ماقسات تۇسىنىكتى. ەل پرەزيدەنتى ءادىل قازاقستاندى، تەڭ مۇمكىندىكتەر مەن پروگرەسس ەلىن، زاڭ مەن ءتارتىپ، ديالوگ، جاۋاپكەرشىلىك پەن ىنتىماقتاستىق مادەنيەتى ۇستەمدىك ەتەتىن ءتيىمدى مەملەكەتتى قۇرۋدى قولعا الدى. ءبىز، قازاقستاننىڭ شەتەلدەگى دوستارى، قاشان دا تىلەكتەستىك تانىتىپ، قولداۋعا دايىنبىز.
دوكتور ۆلاديمير مەسامەد (يزرايل)
يەرۋساليمدەگى ەۆرەي ۋنيۆەرسيتەتى
