Құқық қорғаушы Айтбек Амангелді Шерзаттың әкесінің бүгінгі ісіне пікір білдірді. Бұл туралы ол өзінің instagram парақшасында айтты, деп хабарлайды “Адырна” ұлттық порталы.
Айтбектің айтуынша Қаржаубай Нұрымовқа БАҚ өкілдерімен сөйлесуге ешкім тиым салған жоқ.
«Қаржаудың өз талабына келсек, оған БАҚ өкілдерімен сөйлесуге ешкім тыйым салған жоқ. Егер бұл оны сұраса мен оны ұйымдастырып беретін едім, мен кез келген БАҚ өкілдерімен байланыстыратын едім. Бұл мәселе емес», – деді Айтбек.
Құқық қорғаушы да әзірге не болып жатқанын түсіне алар емес, ол тек қана заңгер мен психологтардан ақпарат күтіп отқанын мәлімдеді.
«Мен не болып жатқанының себептері мен салдарын әлі толық түсіне алмаймын. Себебі оны анықтау керек, мен өзім Алматыда, орталықтамын. Қазір ол жерге жету үшін маған 2 сағат кетеді, сондықтан мен әзірге заңгер мен психологтан ақпарат күтемін», – деді құқық қорғаушы.
Оған журналистердің хабарласып жатқанын да айтты. Алайда ол ештеңеге жауап бере алмай, тек оларды Талғардың өзіне барып, мән-жайды білуін сұрайды.
