ۇلىتاۋ وبلىسىنىڭ جاڭاارقادا اۋدانىندا جازۋشى، ەتنوگراف-عالىم اقسەلەۋ سەيدىمبەكءتىڭ سۇرىلگەن ەسكەرتكىشىنىڭ ورنىنا جاڭاسى بوي كوتەردى. بۇل تۋرالى قاراعاندىلىق بەلسەندى ايسۇلتان جاقىپ Facebook-تەگى پاراقشاسىندا جازدى، دەپ حابارلايدى «ادىرنا» ءتىلشىسى.
«بۇرىنعىسى ءالى تۇسىمە كىرەدى. وسى جولعىسى ماعان ۇنادى. قۇتتى بولسىن!»—دەدى ول.
ەسكە سالايىق، 2022 جىلى اقسەلەۋ سەيدىمبەكتىڭ 80 جىلدىق مەرەيتويىنا وراي ەسكەرتكىش بوي كوتەرگەن ەدى. الايدا ول كوپشىلىكتىڭ كوڭىلىنەن شىقپاي، جۇرتتىڭ شامىنا تيگەن بولاتىن.
«اۆاتارعا ەسكەرتكىش اشىلدى ما دەسەم، اقسەلەۋ دەپ جازىلىپ تۇر. اشەيىندە ماقۇلداۋى قيىن مينيسترلىك مىناعان قالاي رۇقسات بەرگەن؟ تىزەسى ءبىر قارىس، انا قولىنداعى تاياققا سۇيەنسە توڭقالاڭ اسادى عوي»،— دەپ جازعان ەدى جۋرناليست نۇرادين راقاي.
ال اۋدان اكىمى عالىمجان قۇسمانعالي ەسكەرتكىشتىڭ كوركەمدىك ورىندالۋى سىن كوتەرمەيتىنىن جەتكىزىپ، ورنىنا باسقاسى قويىلاتىنىن مالىمدەگەن.
