بيىل ءفاشيزمدى جەڭگەن جەڭىستىڭ 79 جىلدىعىن اتاپ وتىلۋدە. جەڭىس كۇنى سوعىسقا قاتىسقان 1 ميلليون 200 مىڭ قازاقستاندىقتى، ولاردىڭ تاباندىلىعى مەن قاھارماندىعىن، سونداي اق تىلدا ەڭبەك ەتكەندەردىڭ ەڭبەكتەگى ەرەن ەرلىگىن ەسكە الۋ بولىپ تابىلادى.
بۇل جەڭىسكە اعا بۋىننىڭ – اتالارىمىز بەن اكەلەرىمىزدىڭ، اجەلەرىمىز بەن انالارىمىزدىڭ تەڭدەسسىز كۇش-جىگەرى مەن وراسان زور قۇرباندىقتارىنىڭ ارقاسىندا قول جەتتى. ءبىز ءاربىر باتىردىڭ قوسقان ۇلەسىن ەستە ساقتايمىز، باعالايمىز جانە قۇرمەت تۇتامىز.
قازاقستاندىقتار 20-دان استام اتقىشتار ديۆيزيالارى مەن باسقا دا قۇرامالاردا شايقاستى. اسكەري قىزمەتى ءۇشىن جۇزدەگەن مىڭ قازاقستاندىقتار مەدالدارمەن جانە وردەندەرمەن ماراپاتتالدى، 500-گە جۋىق ادام كەڭەس وداعىنىڭ باتىرى اتاندى. 4 قازاقستاندىق ەكى رەت باتىر اتانىپ، 110 قازاقستاندىق ءۇش دارەجەلى داڭق وردەنىمەن ماراپاتتالدى.
جاۋىنگەر باتىرلاردىڭ ەسىمدەرى حالىق جادىندا ماڭگى ساقتالادى. بۇگىندە ءاربىر قازاق ازاماتى م.مامەتوۆانىڭ، ءا.مولداعۇلوۆانىڭ، ح.دوسپانوۆانىڭ، ر.قوشقارباەۆتىڭ، م.عابدۋلليننىڭ، ق.قايسەنوۆتىڭ، ب.مومىشۇلىنىڭ، ت.بيگەلدينوۆتىڭ، ل.بەدانىڭ، ي.پاۆلوۆتىڭ، س. لۋگانسكيدىڭ جانە ت.ب. ەرلىگىن ەسكە الىپ، تاعزىم ەتەدى.
بۇل – قازاق دالاسىنىڭ ەرجۇرەك ۇرپاقتارى – باتىر ۇل-قىزدارىن ماڭگى ەستە ساقتاۋ جانە ولارعا العىس ايتۋ كۇنى.
