26 qarashadan bastap koronavırýstyń jańa shtamynyń taralýyna baılanysty Túrkııa bıligi bes elmen áýe qatynasyn toqtatty. Botsvana, Ońtústik Afrıka Respýblıkasy, Mozambık, Namıbııa jáne Zımbabveden keletin azamattarǵa respýblıkaǵa kirýge tyıym salyndy, dep habarlaıdy "Adyrna" ulttyq portaly.
Bul týraly Túrkııanyń densaýlyq saqtaý mınıstri Fahrettın Koja Twitter jelisindegi paraqshasynda jazdy.
- Búgin keshten bastap Botsvana, Ońtústik Afrıka, Mozambık, Namıbııa jáne Zımbabveden qurlyq, áýe, teńiz jáne temirjol arqyly saıahattaýǵa tyıym salynady, - dedi túrik mınıstri.
Aıta keteıik, buǵan deıin Eýropalyq odaq, Ulybrıtanııa, Sıngapýr jáne Japonııa OAR jáne oǵan kórshiles eldermen áýe qatynasyna shekteýler engizgen bolatyn. Jańa B.1.1.529 shtamymen ınfekııa týraly alǵashqy habarlamalar 24 qarashada Ońtústik Afrıka, Botsvana jáne Gonkongta paıda boldy. Keıinirek Izraıl men Belgııada COVID-19-dyń taǵy bir nusqasynyń tabylýy týraly málimetter shyqty.
"Adyrna" ulttyq portaly
