Búgin Óskemen qalasynyń B.Aleksandrov atyndaǵy sport saraıynda Qazaqstan Respýblıkasynyń VI qysqy Spartakıadasynyń jabylý saltanaty ótti. Qorytyndy boıynsha Aqmola oblysy birinshi oryndy jeńip aldy.
Jarystar aqpan aıynan sáýir aıyna deıin 13 sport túrinen ótkizildi. Qorytyndy barlyq sport túrinen sportshylar jeńip alǵan altyn medal sany boıynsha jasaldy. Aqmola oblysynyń qorjynynda 29 medal, onyń ishinde: 16 altyn, 9 kúmis jáne 4 qola, ekinshi oryndy Astana qalasynyń sportshylary ıelendi, al Qostanaı oblysy úshinshi orynnan kórindi.
Esterińizge sala keteıik, Spartakıadanyń saltanatty ashylýy 18 naýryz kúni ýchınsk qalasynda boldy, dál bul jerde aqmolalyq sportshylardyń eń jarqyn jeńisteri bastalǵan edi.
Spartakıda – bul el aýqymyndaǵy kishi Olımpıada oıyndary, sebebi tórt jylda bir ret ótedi!
Ótken Spartakıadada Aqmola oblysy 3-shi jalpykomandalyq orynǵa ıe bolǵan edi, al bıyl tuǵyrdyń joǵarǵy minbesine jaıǵasty!
Spartakıadanyń maqsaty salaýatty ómir saltyn qalyptastyrýdyń mańyzdy faktory retinde dene shynyqtyrý men sportty nasıhattaý, sondaı-aq Qazaqstan Respýblıkasy ulttyq qurama komandalaryn jınaqtaý úshin qysqy sport túrlerinen eń myqty degen sportshylardy anyqtaý jáne halyqaralyq jarystarǵa, sonyń ishinde Italııa eliniń Mılan jáne Kortına d’Ampeı qalalarynda ótetin 2026 jylǵy qysqy Olımpıada oıyndaryna daıyndalyp, qatysý bolyp tabylady.
