Túrkistan oblysy qoǵamdyq damý basqarmasynyń “Jastar resýrstyq ortalyǵy” KMM-niń uıymdastyrýymen “17 qarasha - Halyqaralyq stýdentteri kúni” qarsańynda OAOO stýdentteri arasynda ótken «Sport – bizdiń serigimiz!» atty spartakıada óz máresine jetti.
Jabylý saltanatynda Túrkistan oblysy qoǵamdyq damý basqarmasynyń “Jastar resýrstyq ortalyǵy” KMM-niń basshysy Bektaev Ernar Nuralyuly sóz sóılep, jeńimpazdardy quttyqtady.
“Bul spartakıada – sportty nasıhattaýdyń jarqyn úlgisi. Qatysýshylardyń ynta-jigeri, sportqa degen qushtarlyǵy erekshe boldy. Barsha jeńimpazdardy quttyqtaımyn jáne jastarymyzdy aldaǵy ýaqytta da osyndaı belsendilik tanytyp, joǵary jetistikterge jete berýge shaqyramyn,” – dedi Ernar Nuralyuly.
Shara barysynda qatysýshylar sporttyń tórt túrinen synǵa túsip, óz sheberlikterin kórsetti. Qorytyndy boıynsha jeńimpazdar men júldegerler anyqtaldy:
• 1-oryn – 150 000 tg. “Túrkistan joǵary kópsalaly, qolóner kolledji” (Túrkistan qalasy);
• 2-oryn – 100 000 tg. “D.Qonaev atyndaǵy agrarlyq-tehnıkalyq kolledj” (Saıram aýdany);
• 3-oryn – 75 000 tg. “Erqanat Táńirbergenov atyndaǵy Túrkistan ındýstrıaldy-tehnıkalyq kolledji” (Túrkistan qalasy).
Sonymen qatar, jekeleı marapattar tabystaldy:
• Úzdik oıynshy – Qaldanbek Aıdos;
• Úzdik shabýylshy – Ómirzaq Nursát.
Jarystyń maqsaty:
• Salaýatty ómir saltyn nasıhattaý arqyly jastardyń densaýlyǵyn nyǵaıtý;
• Ártúrli oqý oryndarynyń stýdentteri arasynda dostyq qarym-qatynasty arttyrý;
• Jastardyń sportqa degen qyzyǵýshylyǵyn oıatyp, olardyń sheberligin shyńdaý.
Bul spartakıada jastar arasynda dostyqty, birlikti nyǵaıtyp, salaýatty ómir saltyn dáripteýde úlken úles qosty.
