Balqashta jedel medıınalyq járdem qosalqy stanııasy 30 jyl ishinde alǵash ret óz ǵımaratyna ıe boldy.
Ony qaıta qurý kezinde ınjenerlik júıeler jańartylyp, tóbesi aýystyryldy. Sondaı-aq, órtke qarsy qaýipsizdik jáne beınebaqylaý júıeleri ornatylǵan.
– Buryn Balqashtyń jedel medıınalyq járdem brıgadalary staıonar janyndaǵy jeke bólingen úı-jaılarǵa ornalastyrylǵan bolatyn. Keıinde jedel járdem brıgadalarynyń eńbek jaǵdaılaryn jaqsartý qajettiligi erekshe baıqaldy. Osyǵan baılanysty eski ǵımaratty qaıta qurý týraly sheshim qabyldandy. Qosalqy stanııada alty jedel járdem brıgadasy bar, olar bir jyl aralyǵynda 30 myńǵa deıin shaqyrýǵa shyǵyp, medıınalyq qyzmet kórsetedi.
Táýlik boıy jumys isteıtin eki dıspetcherlik beket bar. Demalys bólmeleri, kólikterge arnalǵan jýý, turaq jáne jóndeý sekildi úsh boks qarastyrylǵan, – dedi oblystyq jedel medıınalyq járdem stanııasy dırektorynyń m. a. Aqylbek Sarbaev.
Balqashqa jumys sapary barysynda Qaraǵandy oblysynyń ákimi Ermaǵanbet Bólekpaev bul sheshimder Balqash óńiriniń 80 myń turǵynyna medıınalyq kómek kórsetý sapasyn jaqsartatynyn atap ótti.
Sondaı-aq, balqashtyqtar oblys ortalyǵyna barmaı-aq ýaqtyly medıınalyq kómek alýy úshin aýdanaralyq aýrýhanaǵa 25 jas maman tartyldy: anestezıolog-reanımatolog, travmatologtar, nevropatologtar, akýsher-gınekologtar, neonatologtar, pedıatrlar, jalpy tájirıbe dárigerleri jáne t. b. Taǵy 12 dáriger rezıdentýrada oqıdy jáne kelesi jyly Balqashqa jumysqa keledi.
Mamandar jumyspen qamtamasyz etilip, turǵyn úı máselesi sheshildi. Qalalyq aýrýhana aýmaǵynda 30 páterli úsh qabatty ǵımarat jóndeldi. Olardyń barlyǵy jıhaz jáne turmystyq tehnıkamen jabdyqtalǵan.
– Men Prıozersk qalasynyń týmasymyn. Almatyda oqyp, Balqashqa jumysqa keldim. Maǵan eki bólmeli páter berdi. Tolyq jabdyqtalǵan, barlyq jaǵdaılar bar. Barlyǵy unaıdy, – dep bólisti jalpy tájirıbe dárigeri Jadyra Setenova.
30 jas maman jańa qonystanýshy atandy.
Oblys boıynsha bıyl barlyǵy 130 páter berildi.
Al qalalar men aýdandarǵa dárigerlerdi tartý úshin kóterme somasy 1,5 mln teńgeden 8 mln teńgege deıin ulǵaıtyldy.
Ózgerister Balqash kópsalaly aýrýhanasy emhanasynyń bazasynda da oryn alyp, alǵashqy úzdik tájirıbeler ortalyǵy ashyldy. Medıınalyq mekeme zamanaýı dıagnostıkalyq jabdyqtarmen jabdyqtalǵan.
Ortalyqta keshendi medıınalyq, áleýmettik jáne psıhologııalyq kómek alýǵa bolady. Sondaı-aq, "Halyq keńesi" qoǵamdyq qabyldaý bólmesi jumys isteıdi, onda turǵyndar óz ótinishterin qaldyra alady. Salaýatty ómir salty kabıneti jáne barlyq tilek bildirýshiler úshin densaýlyq mektebi ashyldy.
– Munda medıınalyq, áleýmettik jáne psıhologııalyq qyzmetterdiń sımbıozy – otbasylyq medıına prınıpi qarastyrylǵan. Otbasylyq dáriger, qamqorshy medbıke, akýsher, psıholog jáne áleýmettik qyzmetkerden turatyn kópsalaly top belgili bir otbasymen aınalysady, aýrýlarǵa ákeletin sebepterdi anyqtaıdy. Ortalyq "naýqastyń 5 mınýtta baıqaǵany" qaǵıdaty boıynsha jumys isteıtin bolady. Tirkeýden bastap-aq paıent 5 mınýt ishinde ózine qajetti aqparatty alýy kerek. Kire beriste eki ınfotablo bar, suraqtarǵa jaýap beretin júıelik ákimshi bar. Bıyl bizdiń memleketimiz Qazaqstannyń túrli joǵary oqý oryndarynyń bes otbasylyq dárigerlerimen tolyqty, – deıdi Balqash kópsalaly aýrýhanasynyń dırektory Serikbol Túsipbekov.
– Sizder Memleket basshysynyń medıınany qoldaý, osy baǵytty jańǵyrtý jáne halyqqa sapaly medıınalyq qyzmet kórsetý jónindegi bastamasy týraly bilesizder. Biz osy tapsyrma aıasynda medıınalyq nysandardy ashyp, ınnovaııalar engizip jatyrmyz – munyń bári halyqqa sapaly qyzmet kórsetý úshin. Biz óz tarapymyzdan osyndaı bastamalardy qarjylaı qoldaımyz. Biz úshin birinshi kezektegi mindet – osyndaı nysandardy múmkindiginshe ashý. Ol úshin biz turǵyn úı salamyz, mamandarǵa osy medıınalyq mekemelerde jumys isteý úshin kóterme járdemaqy beremiz, – dep atap ótti Ermaǵanbet Bólekpaev.
Bul Qaraǵandy oblysyndaǵy úzdik tájirıbelerdiń besinshi ortalyǵy. Onyń basty maqsaty – medıınalyq kómektiń qoljetimdiligin arttyrý, shaǵymdardyń sanyn azaıtý jáne halyqtyń medıınalyq saýattylyǵyn jaqsartý.
