Aǵymdaǵy jyldyń naýryz aıynyń 22-28 kúnderi aralyǵynda Týnıs memleketi Mahdııa qalasynda ǵylym jáne ónertabystar baıqaýy ótti.
Halyqaralyq bilimdiler básekesi «The International Festival Of Engineering Science And Technology In Tunisia (I-FEST - 2024)» taqyrybyn arqaý etti.
Baıqaý – ǵylymdy tereńinen nasıhattaý, sonyń ishinde shetelderdiń ǵylymı tájirıbesin taratý, sondaı-aq jastardy ınnovaııalyq qyzmetke tartý, jasóspirimderdiń, ǵylymı zertteý daǵdylary men jańashyldyq rýhyn damytý maqsatynda uıymdastyrylǵan.
Álemniń túkpir-túkpirinen 1500 qatysýshy saıysta baq synady. Bul qatarda, Almaty qalasynan da talantty oqýshylar baryp, bilimi men biligin synaǵan bolatyn.
Jarys qorytyndysy boıynsha, almatylyq órender úzdik ondyqtan kórindi. Olar altyn jáne qola medaldardy qanjyǵalaryna baılady.
Atap aıtqanda, №176 mektep-gımnazııanyń 8 synyp oqýshysy Quttyǵalıeva Adııa altyn medal jeńip alsa, №12 mamandandyrylǵan gımnazııanyń 11 synyp oqýshylary Erden Aısha men Baqytjan Tomırıs qola medalǵa ıe boldy.
