Қазақстан мен Болгария президенттерінің кеңейтілген құрамдағы келіссөзінен кейін бірнеше құжатқа қойылды. Бұл туралы Ақорда жазды, деп хабарлайды “Адырна”.
Мемлекеттер басшыларының қатысуымен мынадай құжаттарды алмасу рәсімі өтті:
1. Қазақстан Республикасы Көлік министрлігі мен Болгария Республикасы Көлік және коммуникациялар министрлігі арасындағы Транскаспий халықаралық көлік дәлізін дамыту бойынша өзара түсіністік туралы меморандум;
2. Астана мен София қалалары арасындағы өзара түсіністік туралы меморандум;
3. Шымкент және Пловдив қалалары арасында бауырластық қарым-қатынас орнату туралы меморандум;
4. Қазақстан Республикасы Президентінің жанындағы Мемлекеттік басқару академиясы мен Болгария Республикасының Сыртқы істер министрлігі Дипломатия институты арасындағы өзара түсіністік туралы меморандум;
5. «Қазақстанның сыртқы сауда палатасы» жауапкершілігі шектеулі серіктестігі мен Болгарияның сауда-өнеркәсіп палатасы арасындағы өзара түсіністік туралы меморандум.
Айта кетейік, бұған дейін Қазақстан Президенті әлемдегі көптеген түйткілге қатысты Қазақстан мен Болгария ұстанымы ұқсас екенін айтты.
10,000 military personnel were mobilized to protect the western regions from water - Olzhas Bektenov
