2024 жылдың 1 қаңтарынан бастап ТМД органдарына Ресей төрағалық етеді. Бұл туралы Кабар агенттігі мәлімдеді, деп хабарлайды «Адырна» ұлттық порталы.
Төрағаны кеңейтілген құрамдағы отырыста ТМД атқарушы хатшысы Сергей Лебедев хабарлады.
«ТМД-ға төрағалық ету мәселесі қаралды. Делегация басшылары 2024 жылы Достастыққа төрағалық ету туралы шешім қабылдады. Онда Ресей Федерациясы Қырғызстан және Тәжікстанмен тең төрағалық етеді», – деді Сергей Лебедев.
ТМД-ға мүше мемлекеттер басшылары кеңесінің келесі отырысы 2024 жылы 8 қазанда Мәскеуде өтеді. Бұл туралы Ресей Федерациясының президенті Владимир Путин хабарлады.
«Адырна» ұлттық порталы
Related news
