Ақтауда тұрғын үйден өрт шығып, 150-дей адам эвакуацияланды. Бұл туралы Маңғыстау облыстық төтенше жағдайлар департаменті мәлімдеді, деп хабарлайды “Адырна” ұлттық порталы.
Өрт 45 шаршы метрді шарпыған. Зардап шеккендер мен құрбандар жоқ. 13 адам құтқарылды, оның үшеуі бала. Ал баспалдақпен 120 адам эвакуацияланды, оның ішінде 25-і бала, - делінген хабарламада.Өртке тарату қалқанындағы электр сымдарының қысқа тұйықталуы себеп болған.
