Өскеменде Абай ескерткішінің тұғырын шимайлаған жасөспірімнің заңды өкілдеріне айыппұл салынды. Мұндай шешім «кәмелетке толмағандар вандализмі» бабы бойынша әкімшілік іс аясында қабылданды, деп хабарлайды "Адырна" ұлттық порталы YK-news.kz-ке сілтеме жасап.
Жергілікті полиция 10 шілдеде Абай ескерткішіне белгісіз біреулердің сурет салып кеткені туралы ақпарат алған. "Шимай сүйген шалағайлар" видеобақылау камералары арқылы анықталды.
Шығыс Қазақстан облыстының полиция департаменті бұған қатысты:
«2 шілде күндіз кәмелетке толмаған үш жасөспірім ескерткішке велосипедпен келген. Олардың бірі ескеркішке жазу жазып кетті»,- деп жазды.«Суретші» табылып, сотқа «кәмелетке толмағандар вандализмі» 448-бабы бойынша әкімшілік іс берілді. 13 шілдеде сотта қаралды. Айта кетейік, бұл бап бойынша жасөспірімдердің ата-анасы немесе заңды өкілдері жауапқа тартылады. Атап айтқанда, 15 АЕК немесе 51750 теңге айыппұл салынды.
"Адырна" ұлттық порталы
