Атырау облысында бұрын аудандық газет пен теледидарда жұмыс істеген журналист әйел 10 миллион теңге көлемінде ақша бопсалады деген күдікпен ұсталды, деп хабарлайды "Адырна" ұлттық порталы "Ақжайық" сайтына сілтеме жасап.
Мәліметтерге қарағанда, күдікті қазір декреттік демалыста болғанымен, жергілікті БАҚ-тағы әріптестерімен байланысын үзбеген. Тергеу нұсқасы бойынша, ол Құлсары маңында орналасқан мұнай қалдықтары туралы бейнематериалды жариялаймын деп қорқытып, бір компания басшысынан ақша талап еткен. Алайда аталған видео әлеуметтік желілерде бұған дейін тараған.
Ақшаның бір бөлігі - 4 миллион теңге - делдал арқылы берілген. Ол “Тенгри” қонақүйінде қаражатты алу кезінде ұсталған. Кейіннен полицейлер күдікке ілінген ұйымдастырушыны да қолға түсірді.
Қазіргі уақытта іс ҚР Қылмыстық кодексінің 194-бабы 2-бөлігі 2-тармағы («Адамдар тобы алдын ала сөз байласып жасаған қорқытып алу») бойынша тергеліп жатыр.
A record amount. Astana administration will spend 2.6 billion tenge on preparations for the new year
