Ауыл шаруашылығы министрлігі Нұр-Сұлтанның сол жағалауына көшті, деп хабарлайды "Адырна".
Қазақстанның Ауыл шаруашылығы министрлігі Нұр-Сұлтанның сол жағалауындағы Министрліктер үйінен 4 миллиард теңгеге жуық ақшаға «Ақ сұңқар НТ» ЖШС-нен үй сатып алды. Ауданы 4500 м2 болатын Ауыл шаруашылығы министрлігінің жаңа кеңсесі ғимараттың үшінші кіреберісіндегі алтыншы қабатта орналасқан.
«Ақтсұңқар НT» ЖШС құрылтайшысы Талғат Даниалұлы Ахметов болып табылады, оның жеке деректері Шығыс Қазақстан облысы әкімінің ұлы Даниал Ахметовпен толығымен сәйкес келеді. Сондай-ақ Ratel.kz ақпараттық порталы «Ақ сұңқар НТ» ЖШС жоғары лауазымды шенеуніктің баласына тиесілі екенін жазады.
«Осы мүмкіндікті пайдалана отырып, «Aқ сұңқар НТ» ЖШС сіздің компанияңызға одан әрі даму мен гүлдену тілейді, сондай-ақ өзара тиімді ынтымақтастыққа сенім білдіреді. «Aқ сұңқар НТ» ЖШС меншігінде Мәңгілік Ел даңғылы, 8-ғимарат, үшінші кіреберіс мекен-жайы бойынша Министрліктер үйінде орналасқан, жеке меншік құқығындағы тұрғын емес үй-жай бар, жалпы ауданы 4 593 ш.м. Сіздерге жалпы құны 3,9 млрд теңгені құрайтын осы тұрғын емес үй-жайларды сатып алуды ұсынамыз», - делінген «Ақ скар НТ» ЖШС-нің Ауыл шаруашылығы министрлігіне жолдаған хатында.
Ауыл шаруашылығы министрлігі тендерде Министрліктер үйінен келесі сипаттамалары бар бөлмені сатып алғысы келетінін көрсетті:
- 4500 м2 тұрғын емес үй-жайлар;
- алты қабат және бір жертөле;
- екі лифт;
- кондиционерлер;
- бөлек санитарлық тораптар;
- жер көлемі – 0,0600 га.
Ауыл шаруашылығы министрлігі неге көшуде?
Ауыл шаруашылығы министрі Ербол Қарашүкеев министрлік басқа ведомстволарға жақын болу үшін оң жағалауда орналасқан ғимараттан Министрліктер үйіне көшіп жатқанын түсіндірді.
«Біздің барлық министрліктер сол жағалауда Министрліктер үйінің ғимаратында орналасқан. Өкініштісі сол жаққа көшуге мүмкіндік болмай, үкіметтің арқасында қаржы таптық. Көп уақытты босқа өткізбеу үшін әріптестерімізге жақын болу үшін Министрліктер үйінің үшінші кіреберісіне көшуді жоспарлап отырмыз. Ал біздің ғимарат, тиісінше, мемлекет меншігіне өтіп, әрі қарай пайдаланыла береді», - деді министр Орталық коммуникациялар қызметінде өткен брифингте.
Ауыл шаруашылығындағы көптеген мәселелер шаш етектен болып тұрғанда, министрліктің неліктен қөшіп жүргені жөніндегі сұраққа жауап берген министр барлық қажетті процедуралар сақталғанын айтты.
«Қазір егжей-тегжейлері есімде жоқ, сонымен қатар шешімнің қалай қабылданғаны туралы барлық ақпаратты береміз. Әрине, басқа ғимаратқа көшсек те болар еді, бірақ басқа барлық басқармалармен қатар отырғанымыз абзал», - деп түсіндірді Ауыл шаруашылығы министрлігінің басшысы.
«Aқ сұңқар НТ» ЖШС дегеніміз не?
«Aқ сұңқар НТ» ЖШС нарықта 15 жылдан астам уақыт жұмыс істеп келеді. 2015 жылдан бері 91,9 млн теңге салық төлеген. 2021 жылы – 21,5 млн.теңге.
«Aқ сұңқар НТ» бойынша 16 мемлекеттік келісімшарт бар. 2021 жылы ЖШС «Адам ресурстарын дамыту орталығы» АҚ мемлекеттік компаниясымен кеңсе үй-жайларын жалға беру туралы үш келісім-шартқа отырды. «Aқ сұңқар НТ» АҚ үш кеңселік үй-жайын берді:
- ауданы 50 м2 1,9 млн.теңгеге;
- ауданы 2508 м2 115 млн.теңгеге;
- ауданы 108,7 м2, 1,6 млн.теңгеге.
2020 жылы «Aқ сұңқар НТ» сол «Адам ресурстарын дамыту орталығы» АҚ-мен кеңселік үй-жайларды жалға беру туралы екі келісім-шартқа отырды.
Құжаттар келесі шарттарды көрсетеді:
98,5 млн.теңгеге ауданы 2 214 м2, оның ішінде пайдалы алаңы 1 485 м2 үй-жайларды жалға алу;
42 млн теңгеге ауданы 621 м2, оның ішінде 421 м2 пайдалы алаңы бар үй-жайларды жалға беру.
2019 жылы «Aқ сұңқар НТ» бірнеше үй-жайды жалға беру туралы бес келісімшартқа қол қойды: төртеуі «Адам ресурстарын дамыту орталығы» АҚ-мен және біреуі Қаржы министрлігімен.
2018 жылы да сол «Адам ресурстарын дамыту орталығы» АҚ-мен екі келісім-шарт жасалған.
2017 жылы үш келісімшарт жасалды: екеуі – еңбек ресурстарын дамыту орталығымен, тағы біреуі – «Қазконтент» АҚ. Ratel.kz 2016 жылы Шығыс Қазақстан облысының әкімі Даниал Ахметовтың екі баласы бар екенін жазған: 33 жастағы Аделия мен 31 жастағы Талғат Ахметов. Талғат Ахметов қазір 36 жаста.
Талғат Даниалұлы Ахметов туралы не белгілі?
«Бұрынғы премьер-министрдің, ал қазір Шығыс Қазақстан облысы әкімінің ұрпақтары ондаған компанияға иелік ететін табысты бизнесмен. Дегенмен, Талғат отбасылық бизнесті жүргізуге үлкен жауапкершілік жүктейді», - делінген портал мақаласында.
Forbes Kazakhstan журналы «Aқ сұңқар НТ» ЖШС кәсіпкер Талғат Ахметовке тиесілі деп жазады.
2017 жылдың мамыр айында ол Қазақстанның ең бай 50 кәсіпкері тізімінде 35-ші орында болды. Журнал оның байлығын 145 миллион долларға бағалаған. Ол кезде кәсіпкер Шығыс Қазақстан облысы облыстық мәслихатының депутаты болған.
Forbes Kazakhstan мәліметтері бойынша Талғат Ахметов Павлодар облысындағы бірқатар компанияларға иелік етеді, соның ішінде «Қазэнергокабель» АҚ (29,9%), «Павлодар нан зауыты» ЖШС, «KAZ InterGroup PV» ЖШС, «TASK Holding» ЖШС, «Теміржолшы» ЖШС, «Глория-Фарм» ЖШС. Астана қаласындағы «Павлодар кондитер фабрикасы» ЖШС және «Инжинирингтік жабдықтау компаниясы» ЖШС.
"Адырна" ұлттық порталы
