Ташкентте халық ереуілге шықты (ВИДЕО)

472

Әлеуметтік желіде Ташкенттегі аудандардың бірінде аудан әкімшілігі ғимаратының жанындағы абаттандыру бөлімі қызметкерлерінің ереуілге шыққаны туралы видео тарады, деп хабарлайды "Адырна" ұлттық порталы. 

Видеода аудандық абаттандыру бөлімі қызметкерлерінің жалақының азайып, кешіктіріліп жатқанына наразылық білдіргенін ести аласыз.

- Бұған дейін жалақыдан 300 мың сум (27,56 доллар) ұсталған. Алдын ала төлем, мерекелік төлем жоқ. Олар біздің еңбегімізді қалай пайдалану керектігін біледі, бірақ жалақыны ұмытып кетті. Бізде киім ауыстыратын бөлмелер жоқ. Бізді бәрі жек көреді.  Дәретханаға баруға болмайды, асханада бір кесе шай берілмейді, - дейді Чиланзар аудандық абаттандыру бөлімінің қызметкерлерінің бірі.

Кейін Ташкент қаласының Чиланзар ауданының басшысы (хоким) Шавкат Мавлонов абаттандыру бөлімінің наразы қызметкерлерімен кездесті.

 

Аудан әкімдігінің баспасөз қызметі жалақы төленгенін хабарлады. Сонымен қатар, аудан басшысы жұмысшыларды көлікпен қамтамасыз етуді, үшінші санаттағылардың жалақысын қайта есептеуді және жұмысшыларды ынталандыру бойынша ұсыныстар әзірлеуді тапсырды.

"Адырна" ұлттық порталы

 

Пікірлер
Редакция таңдауы
Серіктестер/Партнеры
Студия IMA - создание сайтов Доставка цветов Астана - Lova Buket