"Celiz орталық еуропалық логистикалық-индустриалды аймағы" жобасының өкілдері мен "KTZ Express" АҚ басқарма төрағасы Нұрлан Игембаев өзара меморандумға қол қойды, деп хабарлайды "Адырна" ұлттық порталы.
Тараптар Қытай мен Еуропа арасындағы теміржол жүк тасымалы алдағы жылдары айтарлықтай өсетініне сенімді. Еуропаға келетін қытайлық тауарларды тасымалдау көлемі мен логистикасының дамуы тар және кең теміржол торабындағы жүк тиеу инфрақұрылымын дамытуды талап етеді. Осыған байланысты транзиттік тасымалдауды қамтамасыз етудің жаңа бағыты ретінде Захоны (Венгрия) терминалдық инфрақұрылымын пайдалану қарастырылуда.
"Қазақстан арқылы өтетін барлық бағыттар бойынша көлемді ұлғайту бойынша үздіксіз жұмыс жүргізуде. Біз айтарлықтай дамуды көріп отырмыз. Мәселен, 2021 жылдың 9 айында транзиттік контейнерлік тасымал көлемі 795 мың ЖФФ-тен астамды құрады және 2020 жылдың сәйкес кезеңімен салыстырғанда өсім 28 пайызды құрады. Қазақстан арқылы өтетін контейнерлік маршруттар жоғары сұранысқа ие. Сондай-ақ, "KTZ Express" Ресей, Балтық порттары және TMTM арқылы ҚХР-ЕО бағытында қосымша бағыттарды дамыту бойынша жұмыс жүргізуде. Оның ішінде қазақстандық бидайды контейнерлік пойыздармен Түркияға және көмірді Қытайға үсті ашық контейнерлерде және Таяу Шығыс, Африка, Орталық Еуропа елдеріне әмбебап контейнерлерде экспорттау бойынша жаңа жобалар бар", - деді "KTZ Express" АҚ басқарма төрағасы Нұрлан Игембаев.
Теміржол көлігі де қоршаған ортаға түсетін ауыртпалықты айтарлықтай төмендетеді, бұл оны бүгінгі экологиялық мақсаттарға жетудің негізгі элементі бола алады.
Қос тарап алдағы уақытта Венгрия арқылы Орталық Еуропаға транзиттік тасымалдауды дамыту іскерлік қарым-қатынастарды дамытуға жаңа серпін беретініне сенімді.
"Адырна" ұлттық порталы.
