Кәріз құбыры тартылып жатқан бес шағын аудандағы жұмыс биыл аяқталады

506

Шымкент қаласын толықтай кәріз жүйесімен қамту мақсатында 13 нысанның құрылысы жүргізіліп жатыр. Олардың 5-еуі биыл жыл аяғына дейін іске қосылады деп күтілуде. Қала әкімі Мұрат Әйтеновтың бақылауындағы бұл жұмыстарды, салаға жауапты басқарма басшысы Боранбай Болатбековтың өзі қадағалауда.

Шапағат, Мирас шағын аудандарын кәріз жүйесімен қамтамасыз ету жұмыстары биылғы жылдың сәуір айында басталған. Ұзындығы  52 шақырымға созылған кәріз құбыры 1800 астам тұрғын үйге тартылуда. Бүгінде мұндағы жұмыстардың биылға жоспарланған межесін толығымен орындап қойдық, дейді мердігер компания өкілі.

Ғаламат Батырбеков – «Ынтымақ бес арыс» ЖШС өкілі

Кәріз жүйесіне қосылатын күнді асыға күтіп жүрген мирастықтар, айналамыз шыбын-шіркейге толып барады, дейді. Соңғы кезде әр үйдің ауласынан қазылған қалдық су шұңқырларынан шыққан иіс, жел тұрса бүтін бір елді мекен халқының мазасын қашыратын көрінеді.

Нұрлан Шырынбаев – Мирас шағын ауданының тұрғыны

Қазіргі таңда кәріз құбыры қаланың 13 нүктесінде жүргізілуде. Оның 3-еуі магистралды сарқынды су жүйесі болса, қалған 10-ы ішкі орамдық жүйе құрылысы. Биыл оның 5 елді мекеніндегі жұмыс аяқталып,  пайдалануға беріледі деп жоспарлануда. Бұл ретте 52 пайызды құрап отырған көрсеткіш 2 пайызға өспек.

 

Г.Асқарқызы               

Пікірлер
Редакция таңдауы