Халық санағы арқылы алаяқтар азаматтардың атына несие тағайындауда

552

Халық санағы арқылы алаяқтар азаматтардың атына несие тағайындауда, деп хабарлайды “Адырна” ұлттық порталы Қарағанды облысының полиция департаменті қызметіне сілтеме жасап.

WhatsApp мессенджерінде жіберілген дауысты хабарлама қазақстандықтарды алаңдатты. Онда халық санағы арқылы алаяқтықтың жаңа түрі пайда болғаны айтылған.

"Бейнеқоңырауда бейтаныс нөмір шырылдайды. Сіз телефонды аласыз. Сіздің бетіңіз сканерленеді, олар бірнеше сұрақтар қояды, содан кейін адамдарға несие беріледі. Қазірдің өзінде бірнеше жағдай тіркелген. Шахан, Ақтас, Қарағанды қалаларында үш жағдай. Қарағандыда бір әженің атынан 11 миллион теңге несие рәсімделген. Сонымен қатар Қарағандыда ер адамның атынан да бірнеше несие алып тастаған. Ер адам осы жағдайдан кейін өзіне-өзі қол салды", – делінген ақпарата.

Облыстық полиция департаментінің баспасөз қызметі аудио таратуда көрсетілген фактілер шындыққа сәйкес келмейтінін хабарлады.

"Қазіргі уақытта полиция таратылған хабарламаның авторының жеке басын анықтауға тырысуда. Қылмыстық кодекстің 274-бабына сәйкес, бұқаралық ақпарат құралдарын немесе телекоммуникация желілерін қолдана отырып, жалған ақпарат тарату қылмыстық жауапкершілікке әкеп соғады", – деді баспасөз хатшысы Бақытжан Құдияров.

”Адырна” ұлттық порталы 

Пікірлер
Ұқсас жаңалықтар