Өміріңіз өзгерсін: гештальт-терапиясы немесе бос орындық әдісі қалай жұмыс істейді?

914

Гештальт-терапиясы мен практикасындағы ең танымал әдістердің бірі "бос орындық" әдісі. Ол кеңінен танымал және тәжірибешілер арасында өте танылған жаттығу. Ол қалай жұмыс істейді?

Бұл қуатты экспериментте сіз бос орындықтың алдында орындықта отырасыз. Сіз бұл жерде сіз үшін маңызды немесе сіздің өміріңізге қиындық туғызған бір жанды көз алдыңызға елестетесіз. Ол сіздің алдыңызда отыр деп ойлайсыз. Бұл өткен оқиғалармен, сіздің қазіргі өміріңізбен немесе болашақ жағдайыңызбен, сіз кездестіргіңіз келетін адамдармен байланысты болуы мүмкін (мысалы, болашақ жарыңыз немесе болашақ ұл немесе қыз). Я болмаса өткен өміріңізде жаныңызға жара салған, өкпе, реніш қалдырған жан да болуы мүмкін.

Что такое гештальт и кому интересна гештальт-психология

Объект тек адам емес кез келген нәрсе болуы мүмкін. Мысалы:

  • сіздің жеке басыңыздың бір аспекті (мысалы, өзіңізге ұнамайтын нәрсе),
  • физикалық көрініс (мысалы, тұрақты бас ауруы) немесе сыртқы көрініс (мүмкін, тым шығыңқы құлақтар),
  • сіздің үйіңіз, жұмысыңыз, жағымсыз оқиға,
  • мінез -құлық стереотипі (мотивацияланбаған агрессия, бақылауды қалау)
  • сіздің мақсатыңыз немесе тілегіңіз, мысалы, бай және әдемі болу.

Гештальт әдісін бүгінде бүкіл әлем бойынша көптеген терапевтер қолданады.

Егер сізде жоғарыда аталған мәселелердің бірі болмаса да, бірақ сізге психотерапия қажет деп ойласаңыз, бұл әдіс сізге қажет пе анықтау үшін әрқашан гештальт терапевтімен байланысуға болады. Өзін-өзі жоғалтқан жандардың қазіргі уақытта толыққанды өмір сүру қабілетіне қайта ие болуы, бақытты күй кешіп және толыққанды өз-өзіне келуі, өткен реніштер мен кеудені кернеген өкпені шер арқылы тарқату негізгі элемент болып табылады. Гешталтизмнің басты принциптері осыған негізделген.

Сіз орындыққа отырып, сіздің алдыңызда отырған адамды немесе затты жарқын елестеткенде, сіз онымен жеке сөйлесесіз. Бұл әңгіме әр түрлі эмоциялар мен реакцияларды тудыратыны сөзсіз. Әңгіме барысында сіз жасырған, бірақ айтқыңыз келген ойлар мен сезімдерді білдіретін сұрақтар қойылуы мүмкін және т.б.

Бір уақытта бос орындық техникасы кезінде психолог сізден рөлдерді ауыстыруды сұрайды. Басқаша айтқанда, сіз қарама-қарсы елестеткен адам немесе заттың рөлін қабылдайсыз, және бұл рөлде бола отырып, өзіңізге басқа орындықта қарап отырыңыз. Енді сіз бос орындықтағы адам немесе зат тұрғысынан - өзіңізбен сөйлесіп жатырсыз.

Техниканың мәні мынада, сіз қарама -қарсы орындықта отырып ойлағаныңыздың бәрі сіз үшін сөзсіз маңызды дүние. "Ақталмаған гештальт" - арқылы сіз бұрын соңды шешімін таппаған керістердің, жадыңызда сақталған сұрақтардың шешімін табуға тырысасыз. Ол сонымен қатар сіз бас тартқан, елемеген немесе жоққа шығаруға тырысқан эмоцияларды немесе жеке қасиеттерді ашуға бейім. Жаттығуды аяқтаған кезде сіз өзіңізді және жұмыс кезінде кездесетін адамға, жағдайға немесе нәрсеге жаңа көзқараспен қарайсыз.

Ең жақсы нәтижелердің бірі - бұл сіздің жеке өсуіңіз, жеңілдеуің, өткенді ұмытуыңыз. Сіз бастан кешкен кез келген жанжал сіздің жеке көзқарасыңыздан, күтуіңізден, естеліктерден (дәл немесе дәл емес), сезім мен жағдайға қатысты пайымдаудан тұрады. Бұл пікірлердің бәрі сіздің ішіңізде - және сізде бұл ішкі қақтығысты шешуге күш пен жауапкершілік бар.

"Адырна" ұлттық порталы

Пікірлер
Ұқсас жаңалықтар