Із-түссіз кеткен: Түркістан облысында жоғалған туристер Өзбекстаннан іздестірілуде

1765
фото: ҚР ТЖМ
фото: ҚР ТЖМ

Өзбекстанның Төтенше жағдайлар министрлігінің құтқарушылары Түркістан облысының тауларында жоғалып кеткен туристерді іздеуге жұмылдырылды, деп хабарлайды "Адырна" ұлттық порталы.

"Тауларда жоғалып кеткен туристерді іздеуге Өзбекстан Төтенше жағдайлар министрлігінің құтқарушылары жұмылдырылды. Олар Угам өзенінің бойымен, Чарвак су қоймасына құятын жерге дейінгі шекараны Өзбекстаннан тексеріп жатыр", - деді Төтенше жағдайлар министрлігінің ресми өкілі Талғат Уәли.

Сайрам-Өгем шатқалында жоғалып кеткен екі туристті іздеу жұмыстары жалғасуда. Олар таулы жерлермен және қатты өзен ағындарымен күрделенген жолдарды жүріп өткен.

Осы уақытқа дейін іздеу жұмыстары 350 шақырымнан асатын тау шатқалдарында жүргізілген. Ұшқышсыз ұшу аппараттарының көмегімен 170 шақырымға жуық аумақ зерттелді.

Аэровизуалды іздестіруді ұзындығы 2 мың шақырымнан асатын «Қазавиаспас» АҚ тікұшақтары жасады.

Іздестіру-құтқару жұмыстарына 218 адам, 32 техника, ТЖМ, Түркістан облысының ПД, жергілікті атқарушы органдар, ҰҚК Шекара қызметі, Ұлттық ұлан Ішкі істер министрлігі, Ұлттық саябақ, Альпинизм федерациясы, ТЖМ «Қазавиаспас» АҚ 2 тікұшағы және туыстары ат салысуда.

"Адырна" ұлттық порталы

Пікірлер
Ұқсас жаңалықтар