Жалғызбасты ана сотталмақ - қаржылай көмек керек

711

Жалғызбасты ана 2 жылға сотталуы мүмкін. Қазіргі таңда басы дауға қалып тұр. Бұл туралы көмекке мұқтаж жандарға қол ұшын созып жүрген қоғам белсендісі Эльмира Ешниязова өз инстаграм парақшасына жазды, деп хабарлайды “Адырна” ұлттық порталы.

Эльмира Ешниязованың жазбасы бойынша:

”26 жастағы Фариза Шымкент қаласының тумасы. Ақпанның 3-і күйеуінен айырылып, үш баласымен жалғыз қалады. Өз әке-шешесі ерте кезде тастап кеткен. Ал ата-енесі ұлдары қайтқан соң келінінің нөмірін бұғаттап тастаған.

Тамыз айында жұбайымен бірге елордаға көшіп, пәтер жалдап тұрған. Көршісімен жанжалдасып, арты үлкен дауға айналады. Төбелес кезінде газ үстінде тұрған шәйнек құлап, көршісі дене жарақатын алады. Сорақысы, бұл жанжал бала үшін болған. Көршісі Фаризаның үстінен шағымданып, ісі сотқа өтеді.

Кейін көршісі “денсаулығыма зиян келтірдің” деп 1 миллион 200 мың ақша сұратып жатыр. Төлемесе 2 жылға бас бостандығынан айырылады”, - деп жазды парақшасында.

Эльмира Ешниязова көп адамға жұма сайын баспана сыйлаған Dauletten атауымен көпшілікке таныс Даулет Мукаевты белгілеп, “көмектесеміз бе?”деген сауал тастады.

Халық әрдайым көмектен қашқан емес. Көп түкірсе көл. Анасы абақтыға жабылса, үш бала жетім қалмақ...

”Адырна” ұлттық порталы

Пікірлер
Редакция таңдауы