Шенеуніктердің шетелдік есепшотына іздеу салынбақ

1609
Adyrna.kz Telegram

Қазақстандықтардың шетелдік есепшоттары әлемнің 100-ден астам елінде ізделетін болады, деп мәлімдеді Қаржы министрі Ерұлан Жамаубаев үкімет отырысында, деп хабарлайды "Адырна" ұлттық порталы. 

"Капиталды шетелге экспорттауға және экономиканы шеттетуге қарсы іс-қимыл бойынша кешенді жұмыстар жүргізілуде. ЭЫДҰ және Ұлттық банкпен электрондық ақпарат алмасу аясында көпжақты Конвенцияға қол қойылды. Осы жылдан бастап біз ЭЫДҰ-мен 100-ден астам юрисдикциядағы азаматтарымыздың қаржылық есепшоттары туралы ақпарат алмасуды жоспарлап отырмыз", - деді Жамаубаев.

Сонымен қатар, үкіметтің соңғы кеңейтілген отырысында мемлекет басшысының салықтық әкімшілендіруді түбегейлі оңайлату бойынша арнайы міндеттер қойғанын еске салды.

Ол үшін 2021 жылдан бастап жеке тұлғалардың мүліктері мен жерлеріне салынатын салықтар біріктіріліп, екі салық та бірыңғай төлеммен төленетінін алға тартты. Көпқабатты үй иелеріне арналған жер салығы алынып тасталды.

"Салық төлеушілер үшін мүлік салығын төлеуге ыңғайлы болу үшін «E-Salyq Азамат» мобильді қосымшасы іске қосылды. Қосымша сізге мәліметтерді толтырмай салық төлеуге, 2 минут аралығында онлайн режимінде толықтырулар мен автоматты несиелер жасауға, артық төлемдерді басқаруға және т.б. мүмкіндіктерге жол ашады", - деп аяқтады сөзін Қаржы министрі Ерұлан Жамаубаев.

"Адырна" ұлттық порталы 

Пікірлер