Джо Байден әкімшілігі бейсенбі күні Тайвань бұғазы арқылы Оңтүстік Қытай теңізіне соғыс кемесін жіберді. Оқиға Вашингтон мен Бейжің арасындағы ашық қақтығыс қаупін күшейтті, деп хабарлайды "Адырна" ұлттық порталы Qamshy.kz сайтына сілтеме жасап.
Тайвань аралы мен Бейжің арасында орналасқан даулы теңіздерді Бейжің өзінің иелігі ретінде талап етеді. Вашингтон сол даулы аймаққа "Arleigh Burke" классындағы басқарылатын зымыран жойғыш соғыс кемесін жіберді.
"USS Джон С.Маккейн" деп аталатын соғыс кемесі тіркелген АҚШ-тың жетпісіші флотының мәлімдемесінде бұл қадам "АҚШ-тың Үнді-Тынық мұхиты аймағының еркін және ашық болуына деген ұмтылысын көрсетеді" деп жарияланды.
АҚШ-тың жақын одақтасы Тайваньды Бейжің өз аумағының бір бөлігі ретінде санайды. Ал, демократиялық Тайвань өзін егемен ел ретінде қарастырады.
