Ермахан Ибраимов: Митингке халықты сабырға шақыру үшін бардым

2024

Танымал боксшы Ермахан Ибраимов сайлау  күні Тәуелсіздік алаңында болған жайтқа қатысты түсініктеме берді, деп хабарлайды «Адырна» тілшісі. Ол бұл туралы Instagram желісіндегі ресми парақшасында жазды.

«Құрметті отандастар! Осы уақытқа дейін мен халқыммен бірге болдым және әлі де бірге болатынымды айтқым келеді. Митинг кезінде наразылық білдірген халыққа күш көрсету мақсатында емес, сабырға шақыру үшін барған болатынмын. Бірақ қарсы топтардың белсенділері маған кері пікір білдіріп, менің жеке намысыма тиетін сөздер айтып жатқасын, жақындап барып, бәрін түсіндірмекші болдым. Сол тұста қарсы топтардың арандатушылары мені кадрға алып, түрлі бағытта ақпараттар таратып жіберген болатын»,-деді ол.

Сондай-ақ, Сидней Олимпиадасының жеңімпазы жазылған пікірлерге сыни тұрғыдан қарайтынын жеткізді.

«Иә, әлеуметтік желілерде суретім мен видео тарап кетіп, маған кері пікірлер айтылуда. Оның бәрін сыни тұрғыда қабылдаймын.
Алайда мен осы сайлауға қатысуымның себебі де қарапайым халық үшін екенін тағы да айтқым келеді. Себебі төбеме көтеріп, құрметтеген халыққа қарсы шығу менің ойымда да болмаған!
Сондықтан қадірлі қазақ елі, митинг кезінде болған жағдайды қысқаша осылай түсіндіргім келеді. Барлығы алда. Ел мүддесі үшін алда әлі де игілікті істерді атқаратын боламын»,-деп сөзін қорытындылады спортшы.

«Адырна» ұлттық порталы

Пікірлер
Редакция таңдауы
Серіктестер/Партнеры
Студия IMA - создание сайтов Доставка цветов Астана - Lova Buket