Home » Жаңалықтар » Мемлекеттік сыйлық иегерлері анықталды

Мемлекеттік сыйлық иегерлері анықталды

ҚазАқпараттың хабарлауынша ҚР Мемлекеттік хатшысы Гүлшара Әбдіқалықованың төрағалығымен Әдебиет пен өнер саласындағы Қазақстан Республикасы мемлекеттік сыйлығын беру жөніндегі комиссияның қорытынды отырысы өтті деп хабарлайды adyrna.kz  qazaquni.kz сайтына сілтеме жасап.

Отандық шығармашыл зиялы қауым өкілдерінен құрылған комиссия мүшелері Мәдениет және спорт министрі А.Мұхамедиұлының іріктеліп алынған шығармалардың үш ай мерзім ішіндегі талқылану барысы жөніндегі ақпаратын тыңдап, еркін пікір алмасты.

Елбасы қарауына ұсынылатын 2016 жылғы Әдебиет пен өнер саласындағы Қазақстан Республикасы мемлекеттік сыйлығы лауреаттығына үміткерлерді комиссия жасырын дауыс беру арқылы анықтады. Мемлекеттік сыйлық лауреаттарын марапаттау рәсімі дәстүр бойынша Тәуелсіздік күні қарсаңында өтеді.

fbd33ac80c4d184d58639f297765f6aa

Әдебиет пен өнер саласындағы мемлекеттік сыйлық әдебиет пен өнер қайраткерлерінің қоғам мен мемлекет алдындағы еңбегін жоғары бағалау болып саналады. Бұл сыйлық Қазақстан Республикасы азаматтарына отандық мәдениетті дамытуға қосылған қомақты үлес ретінде танылған аса үздік шығармалар үшін беріледі.

Әзірге бізге белгілісі биылғы Мемлекеттік сыйлықты әдебиеттен  белгілі жазушы Бексұлтан Нұржекеұлына берілді.  Кинодан  “Құнанбай” көркем фильмімен Досхан Жолжақсынов, Айдос Бектеміров т.б. авторлар тобы алды. “Сонымен бірге “Қазақ елі” монументтік ескерткіш авторлары да мемлекеттік сыйлыққа ие болды.

Осы жылдың 29-шы маусымында “Адырна” ұлттық-этнографиялық қоғамдық бірлестігі Бексұлтан Нұржекеевтің “Әй, дүние-ай!” романын талқылау мақсатында жазушымен кездесу ұйымдастырған еді. Сол кезесуде “1916 жылдан 1986 жылға дейін талай қазақтың қаны төгілді. Мұның бәрі біздің есею дәуірлеріміз, яғни, өсу, білім алу дәуіріміз болды. Тәуелсіздік алмасақ, мемлекетіміз болмаса, сол сорлаған күндерімізден әлі де арыла алмаған болар едік. Демек, Тәуелсіздіктің бағасын білуіміз керек. “Әй, дүние-ай! романын жазудағы мақсатым да осы”- деп еді автор.

Мемлекеттік сыйлық иегерлерін құттықтай отырып, алдағы уақытта да шығармашылық табыстар тілейміз!

beksultan-nurzhekeuly

adyrna.kz

 

 

Пікір жазу

Почта жарияланбайды. Таңдаулы өрісті толтырыңыз *

*

x

Check Also

Енді кредит кім көрінгенге берілмейді

Кредит беру үшін азаматтардың борыштық жүктемесін есептеу кезінде барлық мәселе ескерілетін болады Ұлттық банк төрағасы ...