Су айдындарында балықшылардың қаза болу жағдайлары жиілеп кеткен, деп хабарлайды «Адырна» ұлттық порталы ҚР ТЖМ баспасөз
қызметіне сілтеме жасап.
Аң және балық аулау маусымы басталғаннан бері (2020 жылғы 1 қазан-22 қараша) елдің су айдындарында 12 адам, оның ішінде 1 бала қаза тапты.
Балық аулау кезінде ережелердің бұзылуынан 11 адам қаза тапты және ересек адамдардың қарауынсыз қалған 1 бала абайсызда суға құлап, суға батып кеткен.
«Ағымдағы жылы қаза болғандар Ақмола, Алматы, Қостанай, Қызылорда, Маңғыстау, Түркістан облыстарының су айдындарында тіркелді. Мәселен, өткен күз-қыс маусымында (2019 жылғы 1 қазаннан бастап 2020 жылғы 1 наурызға дейін) еліміздің су айдындарында балық аулау кезінде қауіпсіздік ережелерін бұзу салдарынан, сондай-ақ мұз өткелдері арқылы өту кезінде 37 адам (оның ішінде 10 бала) қаза болды»,-делінген хабарламада.
«Адырна» ұлттық порталы
