Шымкент: Әл-Фараби ауданында инженерлік-инфрақұрылым желілерінің құрылысы жүруде

1879
Adyrna.kz Telegram
https://adyrna.kz/content/uploads/2020/11/006631f4-f94e-48f9-a03b-6ce7ae57774d.jpeg
Биыл Шымкент қаласы Әл-Фараби ауданына қарасты «Бадам» шағын ауданын (195 орам) сапалы электр жарығымен қамтамасыз етуге бюджеттен 253 млн. теңге қаралды. Бұл қаржыға «Омега Строй» ЖШС-і тарапынан 10/0,4 кВ электр желілерінің құрылыс-монтаж жұмыстары атқарылды. Бүгінде нысан құрылысы толығымен аяқталып, тұрғындардың игілігіне берілді. Бұл туралы Шымкент қаласының әкімі Мұрат Әйтеновке 9 айда атқарылған жұмыстар туралы есеп берген Әл-Фараби ауданының әкімі Ғабит Мәуленқұлов мәлімдеді. Аудан әкімінің айтуынша, «Бадам» шағын ауданын ауыз сумен қамтамасыз етуді мердігер мекеме «Сарыағаш Аман» ЖШС-і мамыр айында бастады. Нысан құрылысын жыл соңына дейін аяқтау жоспарлануда. Сондай-ақ, 195 орамды табиғи газбен қамту жұмыстарын мердігер мекеме «Комби Строй 1» ЖШС-і атқаруда. Сондай-ақ, «Сәуле» шағын ауданын инженерлік-инфрақұрылыммен қамтамасыз ету үшін жобалық-сметалық құжаттама әзірленуде. Осы мақсатта «МПК-ПРОЕКТ» ЖШС-імен келісім-шарт түзілген. Айта кетейік, Әл-Фараби қаланың орталық ауданы болғандықтан ауыз су, табиғи газ және электр қуатымен қамту көрсеткіші 99,7 процентті құрап отыр.

Шымкент қаласы әкімдігінің баспасөз қызметі

Комментарии