Эгей теңізі аумағындағы жер сілкінісі Түркияның батысындағы Измир қаласын әбігерге салды. Ондаған үй қираған. Сілкініс ошағы 16,5 шақырым тереңдікте. Бұл туралы Анадолы агенттігіне сілтеме жасап, "Адырна" ұлттық порталы хабарлайды.
6,6 балдық жер сілкінісінің зардабы оңай болмаған сыңайлы. Теңіз суы кері қайтып, тұрғындарды дүрбелеңге салғаны туралы ақпараттар желі бетін шарлауда.
Жер сілкінісі 15 секундқа созылып, Түркияның батысындағы көптеген провинцияда сезілген. Түркия ІІМ хабарлауынша, зілзала салдарынан Измир қаласының Борнова және Байраклы аудандарында алты тұрғын үй қираған.
Қаза тапқандар мен жаралылар туралы әлі хабарланған жоқ.
Сурет: aa.com.tr сайтынан
