Белгілі ақын, қоғам қайраткері Мұхтар Шаханов өкпесі қабынып, Алматы қаласы нөмірі 7-ші емханада қаралып жатыр. Бұл туралы ақынның әріптесі Құдияр Біләл өзінің әлеуметтік желідегі парақасында жазды.
"2 шілде күні түнде ақынның мазасы қашып, жедел жәрдем шақырылды. 3 шілдеде түнде Алматыда ауруханаға жатқызылды. Қазір өкпенің қабынуына қарсы ем алып жатыр. Көңіл күйі жаман емес. Алайда ауруханадан шыққысы келіп отыр. Дәрігерлер тағы бірнеше күн бақылауда болып, емделуі қажет екенін айтып, рұқсат бермеді. Әлі 1-2 күн ауруханада болады. Коронавирус емес екені анықталды", - деді Біләл.
Мұхтар Шаханов 2 шілде 1942 жылы Түркістан облысы, Төле би ауданы, Қасқасу ауылында туған. Қазақ халқына өзінің шыншылдығымен, турашылдығымен танымал.
Ақынның айығып кетуіне тілектестік білдіреміз.
