Карантин кезінде отбасылық зорлық-зомбылық 20 пайызға өсті - А.Балаева

1070

Ақпарат және қоғамдық даму министрлігі отбасындағы зорлық-зомбылықты жою мәселесін талқылау мақсатында онлайн-брифинг ұйымдастырды. Оған Мәжіліс депутаттары, қоғам белсенділері, үкіметтік емес ұйымдардың өкілдері қатысты. Бұл туралы "Тенгрнеус" хабарлады.

 

"Әлемдегі бұл проблема жыл сайын біздің қоғамда да өзекті болып келе жатқаны өкінішті. ҚР Бас прокуратурасы Құқықтық статистика және арнайы есепке алу комитетінің деректеріне сүйенсек, 2017 жылы 446, 2018 жылы 919, 2019 жылы мыңнан астам отбасылық зорлық-зомбылық болған. Эпидемия бастап, карантин шаралары қатаңдатылғаннан кейін отбасылық зорлық 20 пайыз өскен. Әрине, бұған уайымдаймыз. Бұл тақырып қоғам тарапынан наразылық туғызады. Күн сайын БАҚ пен желіде отбасылық жанжалдың қайғылы аяқталғаны туралы көреміз, көбіне соның салдарынан балалар жетім болып қалады.

Отбасындағы зорлықтан жапа шеккендерге пандемия басынан бері 37 мыңға жуық қорғау нұсқамасы шығарылды. Құқықбұзушылардың тәртібіне қатысты 5 мыңнан астам қатаң талап қойылды. Бұл жерде құқықтық шаралар аздық ететіні түсінікті. Қоғамның жүйелі түрде жұмыс істеуі және ҮЕҰ, сарапшы қоғамдастықтар, кәсіби психологтар, қолдау топтары және өзгенің отбасылық бақытына бей-жай қарамайтын барша адам күш салу керек. Елімізде мұндай адамдар аз емес. Көбі зардап шеккендерге көмек көрсетіп, қолдап қана қоймайды, сонымен бірге олардың жағдайын жақсарту үшін жақсы ұсыныстар да айтады.

Қазір Мәжілісте отбасылық зорлық-зомбылыққа қарсы іс-әрекет мәселелері жөніндегі заңнама ұсынысы талқыланып жатыр. Бүгін Мәжіліс депутаттары осы брифингке қатысып отыр. Мемлекеттік органдар, азаматтық қоғам институты - бәрі жұмыла көтеріп, ведомствоаралық жұмыс жасалмаса, бұл проблеманы шеше алмаймыз. Сондықтан осы мәселені шешу үшін нақты ұсыныстар айтылады деген үміттемін," - деді Балаева.

 

Пікірлер
Редакция таңдауы