Алматы әкімдігі митинг өткізу тәртібінің бұзылғанын хабарлап, оны заңсыз деп атады.
Қоғамдық даму басқармасы қала әкімдігіне бейбіт митингілер мен жиын өткізу туралы хабарлама түспегенін, бейбіт жиын өткізуге арнай орындарда ғана рұқсат берілетінін ескертті.
"Айта кету керек, бүгін күшіне енген "Қазақстан Республикасында бейбіт жиындар ұйымдастыру және өткізу тәртібі туралы" Заң бойынша, митинг өткізу үшін қала әкімдігіне 5 күн бұрын хабарлама жіберу керек", - деп жазады қала әкімінің баспасөз қызметі.
Заңнамаға сәйкес, митингті ұйымдастырғаны және қатысқаны үшін әкімшілік және қылмыстық жауапкершілік қарастырылғаны хабарланған.
Қазір қалада бірнеше көше жабылып, арнайы орындар қоршалып тұр.
Еске сала кетсек, кеше Бас прокуратура мен Жандарбек Бекшин митингке қатысты үндеу жариялаған.
"Адырна" ұлттық порталы
Фото: ашық дереккөз
