«Әйелді ұруға болады, джихадты қолдаймын» деген Ерлан Сүлеймен қызметімен қош айтысты. Оның Facebook парақшасындағы жазбасына қатысты Л.Гумилев атындағы ұлттық университетте арнайы тексеру жұмыстары жүргізілген деп хабарлайды «Адырна» ұлттық порталы BaigeNews.kz-ке сілтеме жасап.
Тексеру нәтижесінде университет оқытушысы және ғалым деген атағы бар Ерлан Сүлеймен қызметінен босатылған. «Ерлан Сүлейменге қатысты жүргізілген тексеруге байланысты университет тарапы төмендегі қорытындыға келгенін хабарлайды. Әдеп жөніндегі комиссия Ерланның бұл әрекеті жалпы адами құндылықтарға қайшы келетінін анықтады. Осы комиссияның шешімі негізінде университет ректоры Ерлан Сүлейменмен арадағы еңбек келісімшартының тоқтатылғанын мәлімдеді» дейді университеттің баспасөз қызметі.
