Өзбекстанда мектеп оқушыларының киімі мен сыртқы келбетіне қатысты талаптар бекітілді. Бұдан былай сабаққа келген қыз балалардың шашы міндетті түрде қос бұрым болып өрілуі керек.
Vesti.uz-дың хабарлауынша, мұндай бұйрықты республиканың халыққа білім беру министрлігі шығарды. Бұл құжатқа сәйкес, енді оқушылар әшекей бұйымдары мен косметиканы қолданбауға тиіс. Қыз балалар тым қысқа да, тым ұзын да, тым кең де емес көйлек киюі қажет. Ұлдардың шаш қоюына рұқсат берілмейді және олардың галстук тағуы міндетті. Білім саласының шенеуніктері бұл талаптарды ескермегендерге қандай шара қолданылатынын әзірше жария ете қойған жоқ.
