Тараз жақта тағы жер асты дүмпулері тіркелді. Бұл туралы Еуропа-Жерорта теңізі сейсмологиялық орталығы мәлімдеді, деп хабарлайды “Адырна” ұлттық порталы.
Орталық мәліметінше, жер сілкінісі жергілікті уақыт бойынша 15:56-да тіркелген. Жер сілкінісінің ошағы Тараз қаласының шығысында 84 км қашықтықта тіркелген. Жер асты думпулері 8 км тереңдікте болған. Ал жер сілкінісінің қуаты 4,7 балды құраған.
Төтенше жағдайлар министрлігі жер сілкінісі кезінде зардап шеккендер тіркелмегенін хзабарлады.
«ҚР ТЖМ «СБЗҰГО» ЖШС сейсмикалық станциялар желісімен 2025 жылғы 28 наурызда Астана уақытымен 16 сағат 00 минутта жер сілкінісі Жамбыл облысында тіркелді. Есептік қарқындылығы нақтылануда. Жер сілкінісінің ошағы Қырғызстан аумағында орналасқан. Зардап шеккендер мен қираулар туралы мәлімет түскен жоқ», – делінген ТЖМ хабарламасында.
Еске салайық, бүгін түнгі 3:42-де жер сілкінді. Бұл жер сілкінісі Тараз, Шу қалаларының, Меркі, Құлан ауылдарының халқы сезді. Бұл өңірлерде жерасты думпулерінің магнитудасы 5 балға дейін жеткені айтылады.
Сондай-ақ, Мьянмада 7,7 балдық жер сілкінісі тіркелді.
