Өзбекстан қазақстандық компаниямен бір жыл ішінде уранды Францияға тасымалдау туралы келісімге қол қойды. Компания Санкт-Петербург портынан Францияға 500 контейнер уран концентратын тасымалдайды, деп хабарлайды “Адырна” ұлттық порталы daryo.uz сайтына сілтеп.
Өзбекстандық «Навойуран» мемлекеттік кәсіпорны қазақстандық TOO Logistic Center компаниясына Санкт-Петербург портынан Францияның оңтүстігіндегі Мальвези коммунасына 500 контейнер уран концентратын тасымалдау үшін 9 миллион еуро төлейтін болды.
Уран 2026 жылдың бірінші тоқсанының соңына дейін тасымалданады. Әрбір тасымалдау Санкт-Петербург портынан жөнелтілген күннен бастап 15 күн ішінде жүзеге асырылуы керек. Атом энергиясы жөніндегі халықаралық агенттік (МАГАТЭ) қабылдаған Радиоактивті материалдарды қауіпсіз тасымалдау ережелеріне сәйкес жүк белгіленген жерге қауіпсіз жеткізілуі тиіс.
