Қазақстан азаматынан лимузинге төленетін миллиондық салық алынып тасталды, деп хабарлайды “Адырна” ұлттық порталы Liter.kz сайтына сілтеп.
Жамбыл облыстық соты салық органының көлік салығы бойынша берешегін заңсыз есептеуіне шағымданған лимузин иесінің шағымын қарады.
Белгілі болғандай, талапкердің иелігінде 1999 жылғы Lincoln Town CAR маркалы лимузин бар. Салық органы оған 2022-2024 жылдары аралығында көлік салығы мен өсімпұлдар бойынша 1,7 миллион теңгеден астам соманы төлеу туралы хабарлама жіберген.
Осыдан кейін лимузин иесі сотқа жүгінді, себебі ол салықтың заңсыз есептелгенін айтты.
"Талапкер көлік құралын жеңіл автомобиль ретінде салық салуды заңсыз деп санайды, себебі тіркеу куәлігіне сәйкес, бұл көлік арнайы жолаушылар көлігі санатына жатады. Бұл факт сотта маманның қорытындысымен және Кеден одағының техникалық регламенттерімен расталды. Жауапкер сотта автокөлікті жеңіл автомобильдер қатарына жатқызуды растайтын дәлелдер ұсынған жоқ", — деп хабарлады Жамбыл облыстық сотының ресми өкілі Айнаш Махамбетова.
Сот салық органының әрекеттерін заңсыз деп танып, көлік салығы бойынша қарызды алып тастау туралы шешім шығарды.
"Жамбыл облыстық сотының әкімшілік істер бойынша сот алқасы бірінші инстанция сотының талап арызды қанағаттандыру туралы шешіміне қосылып, көрсетілген құқық бұзушылықтардың жауапкердің әрекеттерінің заңсыздығын білдіретінін атап өтті", — деп хабарлады сот. Жауапкер де соттың шешімін жоюды сұрады.
