АҚШ Қорғаныс министрлігі 5 мыңнан астам азаматтық қызметкерді жұмыстан шығаратынын мәлімдеді. Бұл шешім Дональд Трамп әкімшілігі тарапынан қабылданды, деп хабарлайды "Адырна" ұлттық порталы.
The Washington Post басылымының мәліметінше, ең алдымен сынақ мерзіміндегі қызметкерлер жұмыстан босатылады. Жаппай қысқарту келесі аптада басталады, сонымен қатар жаңа кадрларды жұмысқа алу уақытша тоқтатылады.
Министрлік бұл шаралар елдің қорғаныс қабілетіне кері әсер етпейтінін, тек мемлекеттік бюджет шығындарын тиімді басқаруға бағытталғанын атап өтті.
Жалпы, Пентагон азаматтық қызметкерлерінің 8%-ын немесе шамамен 70 мың адамды қысқартуды жоспарлап отыр.
