3 ақпанға қараған түні Ресейдің Астрахан және Волгоград облыстарына дронмен шабуыл жасалды, деп хабарлайды «Адырна» тілшісі Baza-ға сілтеме жасап.
Дрондар отын-энергетикалық кешендеріне соққы беруге тырысқан.
«Қазіргі таңда әуе қорғанысы күштері штаттық режимде жұмыс істеп жатыр. Ұшқышсыз ұшу аппараттарының біреуі құлап түсіп, салдарынан өрт шықты. Десе де, зардап шеккендер жоқ»,— деді Астрахань облысының губернаторы Игорь Бабушкин.
Ал Волгоград облысында мұнай өңдеу зауытына шабуыл жасалған.
«Лукойл» мұнай компаниясының аумағында өрт болды, алайда ол тез сөндірілді. Ешкім зардап шекпеді. Дрондардың басым көпшілігін ұстай алдық»,—деп түсіндірді өңір губернаторы Андрей Бочаров.
