6 қаңтарда Канада премьер-министрі Джастин Трюдо басқарушы либералды партияның жетекшісі қызметінен кететінін мәлімдеді. Ол өзін алмастыратын кандидатура анықталғанға дейін премьер-министр лауазымын атқарады, деп хабарлайды «Адырна» тілшісі.
Трюдо өз үндеуінде «күрескер» болып қала беретінін айтты. Сондай-ақ бұндай шешім қабылдауына Үкіметтегі дағдарыс себеп болғанын мәлімдеді.
«Мен партияны жеңіске жетелейтін таңдау емеспін. Оны анық сезіндім. Алдағы айларда елді жаңа сайлау күтіп тұр. Мен өз кандидатурамды ұсынбаймын. Халық келесі референдумда шынайы таңдау жасауға құқылы»,—деді ол.
Сарапшылардың пікірінше, Трюдоның қызметінен кетуі Канаданың консервативті партиясын жетекші орынға қайта шығаруы мүмкін.
Канададағы үкіметтік дағдарыс өткен жылдың соңында басталды. 16 желтоқсанда Канаданың қаржы министрі Христиа Фриланд отставкаға кетті.
Айта кетейік, Трюдо премьер-министр лауазымына 2015 жылы тағайындалған болатын.
