Ресей тарапының бастамасымен мемлекет басшысы Қасым-Жомарт Тоқаев Владимир Путинмен телефон арқылы сөйлесті, деп хабарлайды "Адырна" ұлттық порталы.
Екі елдің президенттері Ақтау қаласының маңында құлаған ұшақ туралы сөз қозғады.
Azerbaijan Airlines компаниясы ұшағының апатқа ұшырап, Қазақстан және Ресей азаматтарының қаза табуына байланысты бір-біріне көңіл айтып, зардап шеккендердің тезірек сауығып кетуіне тілектестік білдірді.
Қасым-Жомарт Тоқаев пен Владимир Путин апат себептерін анықтау үшін тараптардың атқарып жатқан жұмыстарын талқылады. ҚР Президенті Қазақстан Республикасының Үкіметтік комиссиясы тергеу ісін Әзербайжан, Ресей және Бразилия елдерінің мамандарын тарта отырып жүргізіп жатқанын айтты.
Президенттер тергеу амалдарын жан-жақты және ашық жүргізудің маңызды екенін атап өтті.
