Биыл 1 қыркүйекте Қазақстанның барлық мектебінде бірдей салтанатты жиын өтеді. Бұл туралы бүгін, 23 тамызда Оқу-ағарту министрлігінің баспасөз қызметі айтты, деп хабарлайды «Адырна» тілшісі.
Ресми деректерге сүйенсек, жаңа оқу жылында 345 мың 1-сынып оқушысы алғаш рет мектеп партасына отырады. Олар үшін 1 қыркүйекте «Мектебім – мейірім мекені» тақырыбында салтанатты шара өтеді.
2 қыркүйек – жаңа оқу жылының бірінші күні «Менің Отаным – Қазақстан» тақырыбында Бірыңғай сынып сағатымен басталып, әрі қарай сабақ кестесіне сәйкес жалғасады.
Айта кетейік, бұған дейін Алматы қаласының білім басқармасы басшысының орынбасары Айдын Сайлаубай ӨКҚ өткен брифингте қала мектептерінде алғашқы қоңырау 2 қыркүйекте өтетінін мәлімдеген еді.
