Бүгін — белгілі ғалым, тарих ғылымдарының докторы Ләйла Мұхтарқызы Әуезованың туған күні, деп хабарлайды «Адырна» тілшісі.
Ол 1929 жылдың 30 шілдесінде дүниеге келген. Мәскеу мемлекеттік университетін бітірген Ләйла Әуезова Шоқан Уәлихановтың еңбектерін топтастырып, Жетісу доңғандары мен ұйғырларының егін шаруашылығын зерттеді. Сонымен қатар әкесі Мұхтар Әуезовтың естеліктерін, шығармаларын толық жинақтап, мемориалды мұражайын ашып, оның дамуына көп еңбек сіңірді.
Ғалым 1963 жылдан өмірінің соңына дейін Мұхтар Әуезовтың әдеби-мемориалдық мұражайының меңгерушісі болды. Оның «XIX ғасырдың II жартысындағы Қазақстанда егін шаруашылығының дамуы» және «М. О. Әуезовтің «Абай жолы» эпопеясының тарихи негіздері» сынды көлемді монографиялық зерттеулері көпшілікке танымал.
